Саха сирин бэтэрээннэрэ Венгрияҕа аан дойду чөмпүйэнээтигэр кытталлар

Саха сирин тустууга бэтэрээннэрэ Венгрияҕа Татабанья куоракка ыытыллар аан дойду чөмпүйэнээтин чыпчаалын дабайыахтара. Онно алтынньы 7-12 күннэригэр көҥүл уонна греко-римскэй тустууга күрэхтэһиилэр буолуохтара. Чөмпүйэнээт 35-тэн 60-гар диэри саастаах бэтэрээннэргэ анаан ыытыллар. Бу туһунан «Спорт Якутии» саайт иһитиннэрэр.

Быйыл бэтэрээннэргэ аан дойду чөмпүйээнээтигэр Саха сирин чиэһин биэс маастар көмүскүөҕэ: Ньурбаттан Андрей Иннокентьев (В дивизион, 62 кг), Уус Алдантан Вадим Данилов (Е дивизион, 62 кг), Орто Халыматтан Дмитрий Шадрин (В дивизион, 88 кг), Үөһээ Бүлүүттэн Платон Саввинов (В дивизион, 88 кг) уонна Дьокуускайтан Алексей Николаев (D дивизион, 130 кг).

Ааспыт сылга тустууктар үс мэтээллэммиттэрэ: Александр Румин (көҥүл тустуу) аан дойду чөмпүйүөнүнэн буолбута, Семен Соркомов (көҥүл тустуу) үрүҥ көмүс призерун аатын ылбыта, оттон Алексей Николаев греко-римскэй тустууга үһүс миэстэлэммитэ.