Хаартыска СӨ Бырабыыталыстыбатын пресс-сулууспатыттан
2024 сыл бүтүөр диэри Саха сирин бэтэринээринэй сулууспатын саҥатытыы бырагырааматын ылынарга былаанныыллар, онно материальнай баазатын хаҥатыы көрүллүө.
Бу туһунан Саха сиригэр Бэтэринээрийэ департамент ааспыт сыллаах түмүгүн таһаарар мунньахха СӨ Бырабыыталыстыбатын бэрэссэдээтэлин солбуйааччы Сергей Местников иһитиннэрдэ.
Өрөспүүбүлүкэ вице-премьера Сергей Местников Бырабыыталыстыба бэтэринээринэй сулууспаны сайыннарар уонна кыһалҕалаах боппуруостарын быһаарар соруктаах диэн бэлиэтээтэ. Кини этэринэн, бүгүҥҥү күҥҥэ каадыр тиийбэтин кыһалҕата уонна материальнай-тиэхиньиичэскэй бааза эргэрбитэ буолар.
«Бүгүн Бэтэринээрийэ департамена биһиги өрөспүүбүлүкэбит бэтэринээринэй сулууспалар баазаларын хаҥатар бырагырааманы оҥоруунан дьарыктанар. Итиниэхэ кэлэр 5 сылга 850 мөл. солк. кэриҥин инвестициялааһын барыа. Биһиги хайаан даҕаны бу бырагырааманы олоххо киллэриэхтээхпит, ону бириэмэ ирдиир», – диэтэ Сергей Васильевич.
Сергей Местников ону сэргэ бэтэринээринэй сулууспа хотугу филиалларын статустарын көрүү, сүөһүнү сиэмэлээһини тэрийии, каадыр инники кыаҕын сайыннарыы үлэлэрин көрүү боппуруостарын бэлиэтээтэ диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…
Санаторийга сынньана ОМС полиһынан босхо барыахха сөп. Ол туһуттан терапевтан направление ылар наада диэн объясняем.рф…