Хаартыска СӨ успуордун министиэристибэтин пресс-сулууспатыттан
Бу күннэргэ Кемеровскай уобаласка Арассыыйа биэнсийэлээхтэрин IX спартакиадата буолан ааста.
Спартакиадаҕа Арассыыйа араас эрэгийиэннэриттэн олоххо көхтөөх, эдэрдии эрчимнээх, чөл олоҕу тутуһар биэнсийэлээх дьон кытыннылар диэн СӨ Успуорка министиэристибэтэ иһитиннэрэр.
Кинилэр уһун үйэлэнии чөл олоҕу тутуһан, успуордунан дьарыктаннахха эрэ ситиһиллэрин бэйэлэрин холобурдарынан көрдөрдүлэр.
Саха сирин хамаандата 74 эрэгийиэнтэн кэлбит бэрэстэбиитэллэри кытары сыралаахтык киирсэн, уопсай түмүккэ 26 миэстэни ылары ситистэ. Инникитин ГТО нормативтарын туттарыыга, дартс күрэхтэһиитигэр уонна эстафета араас көрүҥнэригэр болҕомтону уурар наада.
Спартакиадаҕа тас дойдулартан Беларусь, Казахстан өрөспүүбүлүкэлэрин уонна Финляндия толору хамаандалара кытыннылар. Спартакиаданы РФ успуорка министиэристибэтэ, Кемеровскай уобалас Бырабыыталыстыбата, Арассыыйа биэнсийэлээхтэрин сойууһа үрдүк таһымнаахтык тэрийдилэр.
Түмүк тэрээһин кэнниттэн Арассыыйа биэнсийэлээхтэрин бэрэссэдээтэлэ В.В. Рязанскай, Кемеровскай уобалас Бырабыыталыстыбатын бэрэссэдээтэлин солбуйааччы С.Д. Алексеев Саха сирин хамаандатын кэлэн эҕэрдэлээтилэр, инникитин ситиһиилэри баҕардылар. Хамаанда чилиэттэрэ Спартакиадаҕа тэрийэн ыыппыт Саха Өрөспүүбүлүкэтин успуордун министиэристибэтигэр, миниистир Л.Н. Спиридоновка, физкультура уонна маассабай успуорт салалтатын салайааччытыгар Р.И. Оконешниковка махталларын биллэрэллэр.
Бу күннэргэ акыйаан уҥуор балаһыанньа сытыырхайан эрэр. АХШ бэрэсидьиэнэ Эмиэрикэ бобуутугар түбэспит танкердары Венесуэлаҕа киллэрбэппит-таһаарбаппыт,…
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…