Саха сирин биэс мадьыныта Казахстаҥҥа ыытыллар Кочевниктар оонньууларыгар кыттыаҕа

Астанаҕа балаҕан ыйын 8-13 күннэригэр Кочевниктар аан дойдутааҕы оонньуулара бэһис төгүлүн ыытыллыаҕа. Манна 85 дойду кыттара былааннанар. Күрэхтэһии бырагырааматыгар мас-рестлинг киирэн, Саха сириттэн биэс мадьыны күрэхтэһиэҕэ диэн СИА иһитиннэрэр.

Успуорт 21 көрүҥүнэн барыта 2000-ттан тахса спортсмен кыттыаҕа.

Санкт-Петербурга ыытыллыбыт мас-рестлиҥҥа Арассыыйа чөмпүйэнээтин түмүгүнэн, Кочевниктар оонньууларыгар кыттар састаап талылынна. Ол иһигэр, Саха сириттэн биэс мадьыны киирдэ: Павел Павлов (65 киилэҕэ), Айсиэн Мигалкин (70 киилэҕэ), Айсен Атастыров (80 киилэҕэ), Никита Татаринов (105 киилэҕэ) уонна Лия Плотникова (75 киилэҕэ).