Саха сирин Биир кэлим ресурснай киинэ өрөспүүбүлүкэ социальнай хайысхалаах кэмиэрчэскэйэ суох тэрилтэлэригэр эспиэртэр өйөбүллэрин оҥорор. Бу тэрилтэлэр Бэрэсидьиэн граннарын пуондатын куонкурустарыгар кытталлар.
X Илиҥҥи экэниэмикэ пуорумугар бу киин генеральнай дириэктэрэ Ольга Вешникова Пуонда толорор дириэктэрин Антон Долговы уонна генеральнай дириэктэри солбуйааччы Иннокентий Дементьевы кытта көрүстэ.
“Саха сирин олохтоохторо Бэрэсидьиэн граннарын пуондатыгар көхтөөхтүк кытталлар. Бырайыактыыр мастарыскыайбытыгар кэмиэрчэскэйэ суох тэрилтэлэргэ эспиэртээһин өттүнэн өйөбүлү оҥоробут. Быйыл иккис куонкуруска эрэгийиэнтэн 17 бырайыак 22 мөл. солк. тахса өйөбүлү ылла. Тустаах салайааччылары кытта көрсүһүүгэ биһиги бырайыактар көмөлөрүнэн социальнай хайысхаҕа тахсыахтаах уларыйыылары дьүүллэстибит”, — диэтэ Ольга Вешникова.
Бу күннэргэ Дьокуускайга “Гражданскай пуорум – 2025” ыытылла турар. Манна тустаах пуонда “Возможности участия и победы в конкурсах Фонда президентских грантов” сэминээри ыытта.
Сэминээргэ Бэрэсидьиэн граннарын пуондатын эрэгийиэннээҕи сайдыыга департаменын салайааччыта Алина Дунаева кытынна уонна Биир кэлим ресурснай кииҥҥэ сырытта.
“Киин саайта уонна тэхиньиичэскэй ресурсалар үрдүк таһымнаахтар. Эрэгийиэҥҥэ дьоҕус хамаанда үчүгэй бырайыактары олоххо киллэрэриттэн үөрэбит”, — диэтэ Алина Дунаева.
Саха сирин Биир кэлим ресурснай киинэ уонна Бэрэсидьиэн граннарын пуондата кэмиэрчэскэйэ суох тэрилтэлэргэ саҥа кыахтары арыйыыга бииргэ үлэлэһиэхтэрэ.
2017 сылтан дойду 17 мөл. олохтооҕо Бэрэсидьиэн граннарын пуондатын чэрчитинэн өйөммүт кэмиэрчэскэйэ суох тэрилтэлэр бырайыактарыгар кытынна.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата иһитиннэрэр.
Сиһилии: https://www.sakha.gov.ru/news/11604
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…