Хаартыска: sakha.gov.ru саайтан
“Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуорумҥа “Покров и защита” уордьанынан Афганскай сэрии бэтэрээнэ Валерий Лютай, Арассыыйа Дьоруойа Родимир Максимов, эписсиэр Владимир Леоненко уонна КСВО Саха сирин эрэгийиэннээҕи салаатын бэрэссэдээтэлэ Марина Бахилина наҕараадаланнылар.
КСВО Саха сирин эрэгийиэннээҕи салаатын бэрэссэдээтэлин бастакы солбуйааччы Альбина Винокурова брифиҥҥэ эппитинэн, “Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуоруму ыытыыны Аҕа дойду буойуттарын дьиэ кэргэттэрин кэмитиэтин эрэгийиэннээҕи салаата көҕүлээбит, диэн иһитиннэрэр Ил Дархан, өрөспүүбүлүкэ пресс-сулууспата.
“Форуму ыытар туһунан санаа КСВО чилиэннэрэ Өлүөхүмэ улууһугар тиийэн, “Кэлэр кэм интэриэһигэр” диэн патриотическай диалогка улуус волонтердарын ыстаабын үлэтин ньымаларын уонна ураты технологияларын кытта билсиһиилэрин кэмигэр үөскээбитэ. Сонно өрөспүүбүлүкэтээҕи бастакы байыаннай-патриотическай пуоруму ыытыахха диэн буолбута. Көҕүлээһини Ил Дархан Айсен Николаев өйөөбүтэ», — диэн кэпсээтэ Альбина Винокурова.
Пуорум байыаннай дьайыыны өйүүр 100-тэн тахса эрэгийиэннээҕи патриотическай кулууптары уонна ыстааптары түмпүт.
“Пуорум чэрчитинэндьүүллэһэр былаһааккалар тэрилиннилэр, улуустарга баар волонтердар ыстааптарын үлэтэ-хамнаһа көрүлүннэ, байыаннай дьайыыга сылдьар байыаннай сулууспалаахтары пилота суох көтөр аппарааттарынан, саҥа сэбинэн-сэбиргэлинэн хааччыйыыны, ИТ боппуруостарын дьүүллэстилэр, араас маастар-кылаастар, өрөспүүбүлүкэ түмэллэригэр экскурсиялар, Аҕа дойду Дьоруойдарын удьуордарын кытта көрсүһүүлэр, “Жить за двоих” социальнай бырайыагы билиһиннэрии, патриотическай кэнсиэрдэр, театрализованнай туруоруулар, лиэксийэлэр, сэминээрдэр, Эр санаа уруоктара ыытылыннылар», — диэн КСВО Саха сирин эрэгийиэннээҕи салаатын бэрэссэдээтэлин бастакы солбуйааччы Альбина Винокурова түмүктээтэ.
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…