Саха сирин боксердарыгар уонна мадьыныларыгар Арассыыйа успуордун маастарын ааттара иҥэрилиннэ

Саха сирин мадьыныларыгар уонна боксердарыгар Арассыыйа успуордун маастарын ааттара иҥэрилиннэ. Туһааннаах бирикээскэ дойду успуордун миниистирэ Михаил Дегтярев илии баттаата, диэн ЯСИА иһитиннэрэр.

Мадьынылартан Арассыыйа успуордун маастарын аатын аан дойду чөмпүйүөнэ Егор Атласов (Уус Алдан улууһа), аан дойду үрүҥ көмүс призера Андрей Винокуров (Мэҥэ Хаҥалас), Көс омуктар Аан дойдутааҕы оонньууларын кыайыылааҕа Айсиэн Мигалкин (Уус Алдан), дойду чөмпүйэнээтин призердара Никита Татаринов (Таатта) уонна Алексей Федоров (Мэҥэ Хаҥалас) ситистилэр.

Бу үрдүк ааты Саха сирин сүүмэрдэммит хамаандатын боксердара эмиэ толордулар: Хабаровскайга буолбут Коротков аатынан норуоттар икки ардыларынааҕы турнир призера Максим Припузов уонна юниордарга Уһук Илин бастыыр иһин күрэһин кыайыылааҕа Никита Попов. Иккиэн Хаҥалас улууһун боксаҕа оскуолатын иитиллээччилэрэ уонна Саха сирин сүүмэрдэммит хамаандатын чилиэннэрэ буолаллар.