Хаартыска: Андрей Сорокин, СИА
Олунньу 20 күнүгэр Ил Дархан Айсен Николаев «Россия – моя история» историческай пааркаҕа Аҕа дойду Улуу сэриитигэр олохторук толук 2263 кыттыылаах Саха сирин буойуннарын испииһэгин туттарда.
Саха буойуннарын мемориаллара Смоленскай, Псковскай, Калужскай уонна Новгородскай уобаластарга туруоруллуохтара.
«Аҕа дойду Улуу сэриитин сылларыгар Саха сириттэн 65 тыһыынча кэриҥэ биһиги биир дойдулаахтарбыт Ийэ дойдуларын көмүскүү туруммуттара. 38 тыһыынча буойун сэрии толоонугар олохторун толук уурбуттара. Кинилэртэн үгүстэрэ күн бүгүнүгэр диэри төрөөбүт дойдулара биллибэт. Саха сирэ биһиги байыастарбыт үтүө өйдөбүллэрин чөлүгэр түһэриигэ дьаныардаахтык үлэлээтэ. Кэнники сылларга 2200-тэн тахса саха буойуоннарын ааттара «поисковиктар» үлэлэринэн сөргүтүллүбүтэ. Быйыл «Бастионы Памяти» историческай аахсыйа чэрчитинэн биһиги биир дойдулаахтарбыт чиэһигэр Калужскай, Псковскай уонна Смоленскай уобаластарга мемориаллары туруоруохпут. Мемориаллары туруруоруу тэрилтэлэр, судаарыстыбаннай уонна чааһынай пуондалар үптэрин-харчларын суотугар тэриллиэхтэрэ», — диэн бэлиэтээтэ Айсен Николаев.
Итини кытта Сталинград дьоруойдарыгар анаммыт мемориал Мамаев кургаҥҥа баар буолуоҕа. Саха сирэ биир бастакынан биир дойдулаахтарын кыттыылаах хаан тохтуулаах кыргыһыылар сирдэригэр пааматынньыктары туруорууну саҕалаабыта.
Быйыл Абый улууһугар Киэҥ Күөлгэ уонна Сыаганнаахха 4G суотабай сибээс ыстаансыйатын тутары былаанныыллар. Бу туһунан…
Аҕа дойдуну көмүскээччи күнүн көрсө Дьааҥы улууһун Баатаҕай орто оскуолатыгар сэргэх тэрээһиннэр ыытыллаллар. Алын сүһүөх кылаастар…
2026 сыл бүтүүтүгэр Абыйга Н.Н.Ефимов аатынан гимназияҕа эбии тутууну үлэҕэ киллэрэри былаанныыллар. Бу туһунан СӨ…
Олунньу 21 күнүгэр Оҕо айымньытын дыбарыаһыгар "Айыы кыһата» национальнай гимназия киин куорат сахалыы тыллаах оскуолаларын…
Аҕа дойдуну көмүскээччи күнүнэн бу күннэргэ байыаннай дьайыыга сылдьар байыастарга анаан тирэх пууннарга бэлэхтэри ыыттылар.…
Аҕа дойдуну көмүскээччи күнүн чэрчитинэн Дьокуускай 13 №-дээх оскуолатыгар байыаннай дьайыыга кытта сылдьан сырдык тыынын…