Саха сирин былаастара саҥа дьыллааҕы корпоративтартан аккаастаныахтара

СӨ Ил Дарханын уонна Бырабыыталыстыбатын дьаһалтата төрдүс сылын саҥа дьыллааҕы корпоративы ыытыа суоҕа. Бу маннык рекомандациялар судаарыстыбаннай уорганнарга, муниципальнай тэриллиилэргэ уонна бүддьүөт тэрилтэлэригэр бэрилиннилэр. Бу оҕо бырааһынньыктарыгар сыһыана суох диэн sakha.gov.ru суруйар.

Дьаһалта салайааччыта Георгий Михайлов бэлиэтээбитинэн, билиҥҥи буола турар балаһыанньаны учуоттаан, кэллэктиибинэн бырааһынньыктааһынтан аккаастаныы төрдүс сыла буолбут. Бу оҕо бырааһынньыктарыгар сыһыана суох диэн Михайлов эппит.

«Саҥа дьыллааҕы тэрээһиннэр бастатан туран оҕолорго анаан ыытыллаллар. Кинилэр бу бырааһынньыктааҕы үөрүүттэн-көтүүттэн матыа суохтаахтар. Ил Дархан харыйата буолуоҕа, манна өрөспүүбүлүкэ талааннаах оҕолоро кэлиэхтэрэ», — диэн кини эппит.