Саха сирин быраастара 1,5 тыһыынчаттан тахса байыаска көмөлөстүлэр

Саха сирин быраастарын биригээдэтэ байыаннай дьайыыга сылдьан эчэйбит балтараа тыһыынчаттан тахса киһиэхэ көмөлөстө. Бу туһунан СӨ Доруобуйа харыстабылыгар министиэристибэтэ иһитиннэрэр.

Саха сириттэн Байыаннай госпиталларга үлэлии тиийиини былырыын, 2022 сыл сэтинньитигэр Ил Дархан Айсен Николаев көҕүлээбитэ. Мобильнай биригээдэҕэ хирургтар, травматологтар, анестезиолог-реаниматологтар, психологтар, психиатрдар, итиэннэ орто мэдиссиинискэй персонал исписэлиистэрэ бааллар. Быраастар консилиумнарга, байыаннай-быраас хамыыһыйаларыгар, эпэрээссийэлэргэ, бэрэбээскилииргэ сырыттылар.

Байыаннай дьайыы кыттыылаахтарыгар уонна кинилэр дьиэ кэргэттэригэр сөптөөх психологическай көмөнү оҥоруу биир сүрүн суолталаах үлэнэн буолар. Бүгүҥҥү күҥҥэ Дьокуускай килиниичэскэй психологтара «122» сулууспа үлэтин нүөмэригэр олороллор, дьоҥҥо көмөлөһөллөр.