Быраастар байыаннай госпиталларга үлэлии бардылар

СӨ Доруобуйа харыстабылын ситимэ былырыыҥҥыттан байыастарга мэдиссиинэ көмөтүн оҥорорун, доруобуйаларын чөлгө түһэрэллэригэр, ону сэргэ, кинилэр дьонноругар-сэргэлэригэр балыыһаларга көмөлөһөрүн салгыыр.

СӨ Ил Дархана Айсен Николаев сорудаҕынан, госпиталларга байыастарга көмөлөһөр туһуттан былырыыҥҥыттан быраастар миэстэтигэр тиийэн үлэлииллэрэ тэриллибитэ.

«Алтынньы 8 күнүгэр быраастар биригээдэлэрэ Уһук Илин уокурукка байыаннай госпиталларга  барда. Биригээдэни доруобуйа харыстабылыгар уопуттаах тэрийээччи Владимир Богдашин салайар. Манна Горнайтан оройуоннааҕы киин балыыһа травматолог-бырааһа уонна психоневрологическай диспансер психиатр-бырааһа бааллар«, — диэн иһитиннэрэр СӨ Доруобуйа харыстабылын миниистирэ Лена Афанасьева. 

Кини Саха сирин быраастара байыаннай госпиталларга үлэлэрин, байыастарга көмөлөрүн, сүбэ-ама биэрэллэрин бэлиэтээтэ.