Саха сирин быраастара бу күннэргэ Донецкайга барыахтара

Бу күннэргэ Саха сириттэн быраастар Донецкай Норуодунай Өрөспүүбүлүкэҕэ үлэлии барыахтара. Биригээдэни Өрөспүүбүлүкэтээҕи офтальмологическай клиническэй балыыһа сүрүн бырааһа Иван Луцкан салайыаҕа. Бу туһунан кини  «Барыта кыайыы туһугар» диэн бүгүҥҥү телемарафон кэмигэр иһитиннэрдэ.

«Ил Дархаммытыгар Айсен Николаевка Донецкай бырабыыталыстыбатын бэрэссэдээтэлэ эмчиттэри ыытан көмө буоларга көрдөспүт этэ. Билигин наадалаах исписэлиистэри ыйбыттар этэ. СӨ Доруобуйа харыстабылын министиэристибэтин көмөтүнэн биригээдэ бэлэм буолла. Бу күннэргэ айаннаары сылдьабыт», — диэн Иван Луцкан эпиир кэмигэр эттэ.

Салайааччы хаһан уонна кимнээх баралларын чуолкайдаабата.