Ил Дархан, бырабыыталыстыба дьаһалтатын пресс-сулууспата.
Байыаннай дьайыы саҕаланыаҕыттан, Саха сирин быраастара саҥа эрэгийиэннэргэ баран үлэлииллэр. Бу үлэ Ил Дархан сорудаҕынан ыытыллар.
— Бүгүн Саха сирэ шефтэһэр ДНӨ Докучаевскай куоратыгар быраастар биригээдэлэрэ үлэлии сылдьар. Исписэлиистэр 164 эчэйбит киһини көрдүлэр, кинилэртэн 81 киһи — байыаннай дьайыы кыттыылаахтара. Уопсайа 17 эпэрээссийэни оҥордулар. Приемнай салааҕа күнүстэри-түүннэри консультация оҥоһуллар, маны тэҥэ, хирургическай отделениеҕа пациеннары көрөллөр-истэллэр, — диэн СӨ доруобуйа харыстабылын министиэристибэтин департаменын начаалынньыга Дьулустан Чичахов брифинг кэмигэр кэпсээтэ.
Кини этэринэн, инникитин миэдиктэр биригээдэлэрэ солбуллуохтаах, эбии терапевт уонна невролог тиийиэхтэрэ. Саха сирин быраастара Докучаевскай олохтоохторугар мэдиссиинискэй көмөнү оҥороллор эрэ буолбатах, куораттааҕы киин балыыһа исписэлиистэрин кытта уопуттарын атастаһаллар.
Доруобуйа харыстабылын систиэмэтэ байыаннай дьайыы кыттыылаахтарыгар уонна байыаннай сулууспалаахтарга доруобуйаларын чөлүгэр түһэрэллэригэр көмөнү оҥорор. Барыта 1489 байыаннай дьайыы кыттыылааҕар мэдиссиинэ көмөтө оҥоһулунна.
Амбулаторнай көмөнү 925 киһи ылла, 240 киһи балыыһаҕа сытан эмтэннэ. Доруобуйаны чөлүгэр түһэриини 183 киһи ааста, психотерпевтическай уонна психиатрическай көмөнү 360 байыас ылла.
Ил Дархан, бырабыыталыстыба дьаһалтатын пресс-сулууспата.
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…
Бүгүн, ыам ыйын 17 күнүгэр, өрөспүүбүлүкэ үгүс улуустарыгар кыралаан ардыаҕа, хоту улуустарга, Өлүөнэ аллараа тардыытынан…
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…