sakha.gov.ru хаартыската
Анал байыаннай дьайыы саҕаланыаҕыттан Саха сирин быраастара саҥа территорияларынан олохтоох дьоҥҥо мэдиссиинэ көмөтүн оҥороллор. Бу үлэ Ил Дархан Айсен Николаев сорудаҕынан оҥоһуллар.
Билигин Донецкай Норуодунай Өрөспүүбүлүкэ Докучаевскай куоратыгар, Саха сирин шефтэһэр куоратыгар, биһиги быраастарбыт үлэлииллэр.
«Саха сирин быраастара Докучаевскай нэһилиэнньэтигэр араас көмөнү эрэ оҥорботтор, ону таһынан куорат киин балыыһатын исписэлиистэригэр бэйэлэрин уопуттарын кытта атастаһаллар. Ол курдук, 23 лапароскопическай эпэрээссийэ оҥоһулунна», — диэн ыам ыйын 20 күнүгэр СӨ Доруобуйаҕа харыстабылын Мэдиссиинэ көмөтүн тэрийэр департаменын сүрүн исписэлииһэ Надежда Саввинова иһитиннэрдэ.
Араас эчэйиилээх 500 ыарыһахха көмө оҥоһулунна, ол иһигэр 300 киһи анал байыаннай дьайыы кыттыылаахтарынан буолаллар. Саха сирин быраастара Докучаевскай уонна ол аттынааҕы сэлиэнньэлэргэ баар байыаннай чаастарга, роталарга, взводтарга сылдьан, бааһырбыт байыастары кытта мэлдьи көрсөллөр, кинилэргэ араас бэсиэдэлэри, консультациялары ыыталлар. СӨ Доруобуйа харыстабылын тиһигэ байыаннай дьайыы кыттыылаахтарыгар уонна кинилэр дьиэ кэргэттэригэр сылтан ордук мэдиссиинэ көмөтүн оҥорон, босхолонон кэлбиттэргэ реабилитациялыыр үлэни ыытар.
Ыам ыйын 20 күнүнээҕи туругунан анал байыаннай дьайыы 1733 кыттыылааҕа тустаах мэдиссиинэ көмөтүн туһанна, кинилэртэн 196 киһи реабилитацияны ааста.
Доруобуйа харыстабылын исписэлииһэ санаппытынан, муус устар 6 күнүттэн Саха сиригэр анал байыаннай дьайыы кыттыылаахтарыгар диспансеризация ыытыллар. Диспансеризацияны өрөспүүбүлүкэ бастакы сүһүөх мэдиссиинэ тэрилтэлэригэр барыахха сөп. Биир күн иһигэр анал байыаннай дьайыы кыттыылаахтара ирдэниллэр чинчийэн көрүүнү уонна анал исписэлиистэр консультацияларын ылар кыахтаахтар. Бүгүҥҥү күҥҥэ сэрэтэр тэрээһини 160 байыаннай сулууспалааччы ааста.
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…
"Манчаары оонньууларынан" бүгүн "Дьулуруйар Ньургун Боотур" стадиоҥҥа саха дэгит күрэһигэр: төрүт оҕунан ытыыга, сүүрүүгэ, хапсаҕайга…
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…
Хороҕор муостааҕы, сыспай сиэллээҕи сайын да, кыһын да суолга түҥнэри көтүү тахса турар. Саха сирин…
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин…
Үс сыллааҕыта байыаннай дьайыы саҕаламмыта, ол кэннэ тута быстах мобилизация буолбута. Хомуур, бэлэмнэниилэр, уот айаҕар…