Саха сирин быраастара Докучаевскайга салгыы үлэлииллэр

Саха сирэ ыкса сибээһи олохтообут ДНӨ Докучаевскай куоратыгар быраастар биригээдэлэрин симиэнэнэн үлэлэрэ салҕанар.

Доруобуйа харыстабылын министиэристибэтин кылаабынай хирура Зораб Саакян иһитиннэрбитинэн, билигин онно хирург уонна икки травматолог бааллар. Кинилэр суһал көмөҕө наадыйар пациеннарга сүбэ-ама оҥороллор. Пациеннар хирургия отделениетыгар көрдөрөллөр, олортон 50 % — байыастар.

Докучаевскай куоракка үлэ саҕаланыаҕыттан, барыта 810 тахса эпэрээссийэ оҥоһуллубут. Харах быраастара — 283, хирурдар уонна травматологтар 527 эпэрээссийэни оҥорбуттар.  Ааспыт нэдиэлэҕэ түөрт  улахан, 15 орто эпэрэссийэ оҥоһуллубут, аҕыс байыас эмтэнэр.

Саха сирин быраастара нэһилиэнньэҕэ көмөнү оҥороллорун таһынан, куорат киин балыыһатын исписэлиистэрин кытта үлэҕэ үөрүйэхтэрин атастаһаллар. Маны сэргэ, бэсиэдэлэр ыытыллаллар, сүбэ-ама биэрэллэр, байыаннай сулууспалаахтары көрөллөр, эпэрээссийэ оҥороллор.

СӨ Ил Дарханын уонна Бырабыыталыстыбатын пресс-сулууспата