Саха сирин быраастара Донецкай Норуодунай Өрөспүүбүлүкэҕэ бардылар

Быраастар ыарыһахтары көрүөхтэрэ уонна араас эпэрээссийэлэри Докучаевскай куорат балыыһатыгар оҥоруохтара.

Байыаннай дьайыы саҕаланыаҕыттан Саха сирин быраастара саҥа сирдэргэ-уоттарга эйэлээх нэһилиэнньэҕэ мэдиссиинэ көмөтүн оҥоро бараллар. Бүгүн быраастар Докучаевскай куоракка тиийиэхтэрэ.

Быраастар пациеннары көрүөхтэрэ уонна ДНР сиригэр-уотугар  куорат балыыһатыгар араас эпэрээссийэлэри оҥоруохтара.

Дьокуускайдааҕы онкодиспансертан, Мииринэй уонна Нам оройуоннарын киин балыыһаларыттан, ону тэҥэ 2 №-дээх өрөспүүбүлүкэтээҕи балыыһаттан – ЦЭМП-тэн биир идэлээхтэригэр көмөҕө тиийдилэр. Бөлөҕү Саха сирин Доруобуйаҕа харыстабылын министиэристибэтин кылаабынай хирура Василий Игнатьев салайар.

Хаартыска: Саина Титова, СИА