Олунньуга Саха сирин быраастара Уһук Илин байыаннай госпиталларыгар үлэлиэхтээхтэрин туһунан бүгүн, тохсунньу 27 күнүгэр, брифинг кэмигэр доруобуйа харыстабылын миниистирэ Лена Афанасьева иһитиннэрдэ.
Бу иннинэ Саха сирин быраастара дойду соҕуруу уобаластарыгар үлэлээбиттэрэ. Тохсунньу 25 күнүгэр Ростов-на-Дону куоракка баар 1602 нүөмэрдээх уокуруктааҕы байыаннай госпиталга миэдик-волонтердар үһүс биригээдэлэрэ барбыта. Биригээдэни 3-с нүөмэрдээх Дьокуускай куораттааҕы балыыһа кылаабынай бырааһа Светлана Давыдова салайар. Миэдиктэр бөлөхтөрүгэр хирург-быраас, анестезиологтар, травматолог, психотерапевт уонна орто мэдиссиинискэй персонал баар.
Оборона министиэристибэтин бэрэстэбиитэллэрэ Саха сирин идэтийбит, уопуттаах миэдиктэрин үлэлэрин үрдүктүк сыаналыылларын миниистир Лена Афанасьева бэлиэтээн эттэ.
«Бу үһүс барыы буолар. Биһиги быраастарбытын тута тиийээттэрин кытары отделениеларынан аттарбыттара. Итиэннэ бастакы күннэриттэн дьуһуурустубалаан барбыттара», — диэн миниистир кэпсээтэ.
Миэдиктэр сүрүн үлэлэрин таһынан Саха сириттэн сылдьар биир дойдулаахтарын кытары көрсөллөр, кэпсэтэллэр.
Олунньуттан саҕалаан миэдиктэр үлэлэрэ Уһук Илин Федеральнай уокуругар саҕаланыахтаах. Ол курдук биһиги быраастарбыт Хабаровскайга уонна Владивостокка баран үлэлиэхтэрэ.
Хаартыска https://www.sakha.gov.ru/news/front/view/id/3342581
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…