Саха сирин быраастара Кировскайга 163 эпэрээссийэни оҥордулар

Саха сирин офтальмологтора алтынньы-сэтинньи ыйдарга Донецкай уобаласка баҕа өттүнэн үлэлээн кэлбиттэрэ. Биригээдэҕэ 10 исписэлиис киирбитэ.

Офтальмология өттүгэр манна хаһан даҕаны ыытыллыбатах эпэрээссийэлэри оҥорбуттара. Санатан эттэххэ, Саха сирин Ил Дархана Айсен Николаевтан исписэлиистэри ыытар туһунан ДНӨ Бырабыыталыстыбатын бэрэссэдээтэлэ көрдөспүтэ.

Онтон соторутааҕыта Кировскайга  Офтальмология өрөспүүбүлүкэтээҕи балыыһатын кылаабынай бырааһа Иван Луцкан салайааччылаах Саха сирин быраастарын биригээдэтэ  иккистээн Кировскайга тиийбитин туһунан Айсен Николаев СӨ Судаарыстыбаннай мунньаҕар Анал этиитигэр иһитиннэрдэ.

Мэдиссиинэ десана Кировскай куорат киин балыыһатыгар үлэлээтэ. Саха сирин исписэлиистэрэ 163 эпэрээссийэни оҥордулар, офтальмолог, кардиолог уонна невролог быраастартан тустаах сүбэни 1495 киһи ылла, 540 ультразвуковой уонна 339 маммография чинчийиитин оҥордулар.