Ил Дархан Айсен Николаев сорудаҕынан командировкаҕа байыаннай госпиталга үлэлии барбыт быраастар биригэдээлэрэ Ростов-на-Дону куоракка РФ Оборонаҕа министиэристибэтин байыаннай килиниичэскэй госпиталыгар үлэлииллэр. Ростов уобалаһын бу мэдиссиинискэй тэрилтэтигэр анал байыаннай эпэрээссийэ кэмигэр бааһырбыт байыаннай сулууспалаахтар эмтэнэллэр.
«Биһиги кэлээт да бастакы күммүтүгэр Ростов-на Дону байыаннай килиниичэскэй госпиталын начаалынньыгын солбуйааччы Алексей Викторович Гусевы кытары көрсүбүппүт уонна Саха сириттэн кэлбит, бааһырбыт саллаатттар туруктарын дьүүллэспиппит. Билигин манна Саха сириттэн кэлбит 8 байыаннай эмтэнэ сытар. Кинилэри сарсын атын байыаннай госпиталларга ыыталлар: улаханнык бааһырбыттары Москва уонна Санкт Петербург госпиталларыгар, арыый халымырдык бааһырбыттары Иркутскайга уонна Владивостокка ыыталлар», — диэн Саха сирин быраастарын бөлөҕүн салайааччы, Дьокуускай куорат 3 №-дээх балыыһатын кылаабынай бырааһа Светлана Давыдова быһаарда.
Быраастар Саха сирин байыастарын кытары көрүстүлэр. Биир дойдулаахтарбыт төрөөбүт өрөспүүбүлүкэлэриттэн кэлбит үрүҥ халааттаах аанньаллары көрөн олус үөрдүлэр. Ону сэргэ, манна саллааттар ийэлэрин кэмитиэтин бэрэссэдэтээлэ Мария Емельянова баар.
Светлана Давыдова: «РФ Бэрэсидьиэнин иһинэн бастайааннай бэрэстэбиитэлистибэтэ бастакы уочараттаах боппуруостары быһаарар: ыччаттарбытын сибээс сириэстибэлэринэн уонна таҥаһынан-сабынан хааччыйаллар. Испииһэк күн аайы саҥардыллар, хас биирдии киһини кытары тус-туһунан үлэлииллэр», — диэн РФ Бэрэсидьиэнин иһинэн бастайааннай бэрэстэбиитэлистибэ үлэтин тоһоҕолоон бэлиэтээтэ
Саха сирин быраастарын биригээдэтигэр травматолог-быраас Анатолий Потапов уонна психиатр-быраас, килиниичэскэй психолог Александр Григорьев бааллар. Кинилэр Москваҕа академик Н.Н.Бурденко аатынан кылаабынай байыаннай килиниичэскэй госпитальга уонна Оборона министиэристибэтин А.А.Вишневскай аатынан киин байыаннай килиниичэскэй госпиталга үлэлээн баран, Арассыыйа Оборонаҕа министиэристибэтин 442-с килиниичэскэй байыаннай госпиталыгар уонна Санкт-Петербурга М.С.Киров аатынан байыаннай-мэдиссиинискэй академияҕа сырыттылар. Быраастар Саха сириттэн кэлбит, бааһырбыт буойуннары уонна байыаннай мэдиссиинискэй тэрилтэлэр салалталарын кытары көрсөн, бааһырбыттары салҕыы эмтээһин, доруобуйаны чөлүгэр түһэрии, уйулҕа көмөтүн боппуруостарын дьүүллэстилэр.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…