Салгыы
Саха сирин быраастара Ростов-на-Дону куоракка үлэлии бардылар

Саха сирин быраастара Ростов-на-Дону куоракка үлэлии бардылар

24.01.2023, 14:00
Бөлөххө киир:

Дьокуускай куорат 3 №-дээх балыыһатын кылаабынай бырааһа Светлана Давыдова салайааччылаах Саха сирин эмчиттэрин биригээдэтэ Ростов-на-Дону барда.

Ростов-на-Дону байыаннай госпиталыгар үлэлии барбыт эмчиттэр биригээдэлэригэр анестезиолог-реаниматолог, хирург, медбрат уонна килиниичэскэй психолог бааллар.
Психоневрология өрөспүүбүлүкэтээҕи диспансерын кылаабынай бырааһын солбуйааччы Елена Мордосова иһитиннэрбитинэн, быстах хомуур кыттыылаахтара үксүгэр эчэйии, бааһырыы кэнниттэн улахан стреһи көрсөллөр.

«Биһиги кинилэри кытары ааспыт сыл күһүнүттэн үлэлиибит уонна хайыы үйэ кэккэ уларыйыылары көрөбүт. Кинилэр үксүгэр бааһырыы кэнниттэн стресс туругар киирэллэр. Саха сириттэн кэлбит, бааһырбыт байыаннай сулууспалаахтары бэйэбит хайысхабытынан эмтииргэ уонна доруобуйаларын чөлүгэр түһэрэргэ көмөлөһүөхпүт. Ростовка биһиги өрөспүүбүлүкэбит тирэх пууна баар. Былырыын манна психоневрология диспансерын быраастара: кылаабынай быраас Туйаара Решетникова уонна отделение сэбиэдиссэйэ, килиниичэскэй психолог Александр Григорьев үлэлээбиттэрэ», – диэн килиниичэскэй психолог Елена Мордосова байыаннай госпитальга олунньу бүтүөр диэри үлэлиир былааннаахтарын туһунан иһитиннэрдэ.

Санатан эттэххэ, Ил Дархан Айсен Николаев уһун кэмнээх доруобуйаны чөлүгэр түһэрэргэ туспа мэдиссиинискэй тэрилтэни аһар наадатын бэлиэтээбитэ.

Лента
Салгыы
31 января
  • -46°C
  • Ощущается: -46°Влажность: 65% Скорость ветра: 0 м/с

Сообщить об опечатке

Текст, который будет отправлен нашим редакторам: