Андрей Сорокин хаартыската, ЯСИА
Саха сирин судаарыстыбаннай былааһын ситэриилээх уорганнарын 2025 сыллааҕы отчуота урукку үгэһинэн ыытыллыаҕа, диэн өрөспүүбүлүкэ Ил Дархана Айсен Николаев планернай мунньахха иһитиннэрдэ.
“Бырабыыталыстыба отчуота олунньуга саҕаланыаҕа. Миниистирдэр уонна салайааччылар отчуокка кыттыыларын кыраапыга оҥоһуллуохтаах. Саха сирин олохтоохторо кинилэри долгутар ыйытыыларга сиһилии хоруйдары тутуохтаахтар”, — диэтэ Айсен Николаев.
Айсен Сергеевич сүрүн болҕомтотун оттук сезонугар уурда. Дьиэ-уот хомунаалынай хаһаайыстыбатын тэрилтэтигэр үп тиэрдиллиитин хааччыйарга соруйда.
“Бырааһынньык күннэрэ улахан ыгыма суох аастылар, ол эрээри салгыы болҕомтоҕо тутуллуохтаах. Кэккэ нэһилиэнньэлээх пууннарга оттугу кэмигэр тиэрдии тэриллиэхтээх”, — диэн чопчулаата кини.
Айсен Николаев РФ Бырабыыталыстыбатын соруктарын толорууга үлэни ыытарга эттэ.
“Былаан экэниэмикэ уонна социальнай өттүнэн тупсарыыга ууруллар. Бу араас тиэмэлэринэн 100 тахса тэрээһини көрөр. Табаны иитиини үбүнэн өйөөһүҥҥэ. национальнай туристическай маршруттары тэрийиигэ уо.д.а. туһуланар”, — диэтэ Саха сирин баһылыга.
Айсен Николаев бэлиэтээбитинэн, үлэтэ суохтарынан билиниллибит байыаннай дьайыы бэтэрээннэригэр билигин биирдэм урбааны ыытыыга социальнай хантараагы түһэрсэр кыах көрүллүбүт. Ол эбэтэр дьиэ кэргэн дохуотун сыаналаабакка эрэ эбэтэр соҕотох олорор гражданиҥҥа. Маннык быраабынан бэтэрээннэр кэргэттэрэ – 1-кы уонна иккис группалаах бэтэрээннэргэ бэтэрээн бэйэтэ аккаастанар түгэнигэр.
Бэйэ дьыалатын арыйыыга социальнай хантараак чэрчитинэн биир кэмнээх төлөбүр 350 тыһ. солк. тэҥнэһэр.
Маны сэргэ Ил Дархан Арассыыйа Бырабыыталыстыбатын социальнай гаастааһын бырагырааматынан өйөбүл туһунан быһаарыыны толорууну хааччыйарга соруйда. Ону тэҥэ 2030 сылга диэри баҕа өттүнэн үлэни тэрийиини сайыннарыы кэнсиэпсийэтин.
Сиһилии: https://www.sakha.gov.ru/news/18302
Собо кэнсиэрбэтэ оннооҕор кыбартыыра сылаас хоһугар 4-6 ый устата харайыллыан сөп. Маҕаһыын кэнсиэрбэтиттэн амтанынан туох…
Лоп курдук 30 сыл анараа өттүгэр баара-суоҕа сүүстэн эрэ арыый тахса кыттааччылаах эдэр чинчийээччилэр кэмпириэнсийэлэрэ…
Тоһуттар тымныылаах Саха сиригэр олорор дьон быһыытынан, төһө кыалларынан халыҥ, табыгастаах таҥаһы кэтэргэ дьулуһабыт. Олох…
Ороһуоспа күнүгэр спортивнай куттаах Ньидьили нэһилиэгэр биирдиилээн бастыыр иһин бильярдка, тиэннискэ уонна дуобакка күрэхтэр үрдүк…
2026 сыл тохсунньу 1 күнүттэн көрдөрүүгэ тахсыбыт “Буратино” биллэр остуоруйа персонаһын туһунан Арассыыйа саҥа киинэтэ…
2025 сылга РФ Бэрэсидьиэнэ Владимир Путин көҕүлээбит “Инфраструктура для жизни” национальнай бырайыак үлэтин саҕалаабыта. Тустаах…