Саха сирин бырайыактара эрэгийиэннээҕи бириэмийэ лауреаттарынан буоллулар

Хабаровскайга «Серебряный Лучник» – Уһук Илин  эрэгийиэннээҕи XIV бириэмийэ кыайыылаахтарын үөрүүлээх быһыыга-майгыга эҕэрдэлээтилэр.

Куонкурус түмүгүнэн эрэгийиэннэр бастыҥ коммуникационнай бырайыактара бэлиэтэннилэр.

«Туруктаах сайдыы эйгэтигэр коммуникациялар: социальнай бырайыактар» номинация кыайыылаахтарыттан биирдэстэринэн «Коммуникационное сопровождение игр «Дети Азии» буолла.

Бырайыагы ««Азия оҕолоро» норуоттар икки ардыларынааҕы успуорт сайыҥҥы VIII оонньууларыгар бэлэмнэниигэ уонна ыытыыга дириэксийэтэ» автономнай кэмиэрчэскэйэ суох тэрилтэ билиһиннэрдэ.

Саха сирэ өссө биир кыайыыыны «Креативнай индустриялар эйгэлэригэр коммуникациялар» номинацияҕа ылла. Лауреатынан «Стартовое продвижение бренда модной одежды из Якутии INNIKI» бырайыак буолла.

Куонкурус финалистара дипломнарынан уонна өйдөбүнньүк бириистэринэн наҕараадаланнылар. Номинациялар кыайыылаахтара билигин бэйэлэрин бырайыактарын 2025 сылга муус устарга Москваҕа буолуохтаах «Серебряный Лучник» Национальнай бириэмийэҕэ түһэриэхтэрин сөп.