Саха сирин быыһыыр сулууспата уоппускаҕа кэлбит байыаһы көрүстэ

Дойдутугар уоппускаҕа кэлэ сылдьар байыаннай дьайыы кыттыылааҕын Саха сирин быыһыыр сулууспата көрүстэ. Бу туһунан биэдэмистибэ пресс-сулууспата иһитиннэрэр. 

Көрсүһүүгэ байыаска өрөспүүбүлүкэҕэ оҥоһуллубут экипировкалары туттардылар, ол иһигэр тепловизорга көстүбэт көстүүм, сылаас «Чомпо» накидка уонна маскировочнай сетка.

Саха сирин быыһыыр сулууспатын кэлэктиибэ байыас этэҥҥэ сылдьан, кыайыылаах, доруобай төннөрүгэр баҕарда.