Саха сирин быыһыыр сулууспатын үлэһиттэрэ Соболооххо ойуур баһаарын умуруораллар

Саха сирин быыһыыр сулууспатын 10 үлэһитэ Муома оройуонун Соболоох сэлиэнньэтигэр ойуур баһаарын умуруораллар. 

Баһаар сэлиэнньэттэн 3 км ыраах сиргэ буола турар.

Ону таһынан, баһаары утары охсуһууга Ыксаллаах быһыы-майгы сулууспатын 15 үлэһитэ, СӨ баһаары утары судаарыстыбаннай сулууспатын 15 үлэһитэ, тыа харыстабылын 2 үлэһитэ уонна олохтоох дьон кыттыһаллар. Уоту умуруорууга икки бөртөлүөт туһаныллар.