Хаартыска СӨ Физкултуураҕа уонна маассабай успуорка салалтатыттан
Бу өрөбүллэргэ Дьокуускайга чэпчэки атлетикаҕа Саха сирин кыһыҥҥы чөмпүйэнээтэ буолан ааста диэн СӨ Физкултуураҕа уонна маассабай успуорка салалтата иһитиннэрэр.
Икки күн устата, тохсунньу 18-19 күннэригэр «Триумф» успуорт комплексыгар өрөспүүбүлүкэ бастыҥ спортсменнара күрэхтэстилэр. Мандатнай хамыыһыйа иһитиннэрбитинэн, 18 хамаандаттан 219 спортсмен кытынна. Санатан эттэххэ, мэтээллэр 11 көрүҥҥэ туттарылыннылар.
Үгэс быһыытынан, көрөөччүлэр улахан болҕомтолорун эр дьон уонна дьахталлар ортолоругар 60 уонна 200 миэтэрэҕэ сүүрүүгэ уурдулар. Ол курдук, дьахталлар ортолоругар икки сүүрүүгэ Мииринэй улууһуттан төрүттээх 18 саастаах спортсменка Кристина Халимулина утарсааччыларын биллэ куоһаран, кинилэргэ туох да кыаҕы хаалларбакка, эрэллээх кыайыыны ситистэ.
Оттон эр дьоҥҥо 60 м финалга сүүрүүгэ икки түгэн харааһыннарда: финишкэ чугаһаабыт Артем Иванов өттүгүн эчэйиитэ уонна стартка Валентин Иванов атаҕын аннынааҕы колодка алдьаныыта. Ол да буоллар, Ньурбаттан төрүттээх Айаал Иванов бэртээхэй көрдөрүүнү ситиһэн, кыһыл көмүс мэтээли сөптөөхтүк ылла. 200 м уһуҥҥа Уус Алдан улууһуттан Саргылаан Семенов кыайан, кыахтааҕын өссө төгүл бигэргэттэ. Маны таһынан кини 400 м сүүрүүгэ эмиэ бастаан, бэртээхэй түмүгү көрдөрдө.
Бу күннэргэ «Саха волонтердара» хамсааһын колл-киинигэр Екатеринбург куораттан госпиталга сытар байыастан сайаапка киирбит. Саха сириттэн…
Бүгүн Горнай улууһун Аһыма сэлиэнньэтигэр оту тиэммит түөрт массыына кэллэ. Ол курдук, Хаҥалас улууһун Уулаах…
Кэнники сылларга киин куоракка сылаас тохтобуллары оҥороннор, олохтоохтор кыһыҥҥы тоһуттар тымныыга оптуобус кэтэһэллэригэр абыраннылар. Дьокуускай…
Олунньу 3 күнүн киэһэтигэр ИДьМ 1-кы нүөмэрдээх полиция салаатын дьуһуурунай чааһыгар, Звезднай түөлбэ биир дьиэтигэр…
Ылдьаа Скрябин күрэхтэһии түһүлгэлэригэр кэпсиир-сырдатар куолаһын дьон барыта биһириир, ылынар. 1990-с сыллардаахха Чурапчыга Иван Ильич…
Бүгүҥҥүттэн Хаҥалас улууһугар ситэриилээх былаас отчуота Иһит нэһилиэгиттэн саҕаланна. Оробуочай бөлөҕү бырабыыталыстыба бэрэссэдээтэлин солбуйааччы Анатолий…