Хаартыска: Василий Оленов тиксэриитэ
Саха сирин хомуур хамаандатын лидердэрэ Айаал Сивцев, Саргылан Семёнов, Виктория Петрова уонна Роман Ибрагимов паралимпийскай чэпчэки атлетикаҕа Арассыыйа Куубагын кыһыл көмүс мэтээллэрин ылары ситистилэр. Кинилэр көрдөрбүт түмүктэрэ аан дойдутааҕы күрэхтэһиилэргэ дойду хамаандатын састаабыгар киирэллэригэр көмөлөһүө.
Арассыыйа Куубага Новочебоксарскайга олунньу 1 күнүттэн 6 күнүгэр диэри ыытылынна. Манна 47 эрэгийиэнтэн 230-тан тахса күрэсчит кытынна. Саха сирин хамаандата сүрүн тириэньэр Василий Оленов салайыытынан кытынна. Кини кэпсээбитинэн, Уус-Алдан улууһуттан төрүттээх спринтер Саргылан Семёнов 60 миэтэрэни ситиһиилээхтик сүүрэн, бастакы миэстэни ылла (7,34 с). Биир хонон баран кини 400 миэтэрэҕэ сүүрүүгэ эмиэ кыайан, иккис кыһыл көмүс мэтээли аҕалла (51,95 с).
Аан дойду чөмпүйэнээтин призера Айаал Сивцев ядроны анньыыга кыһыл көмүс мэтээли ылла. Саха күрэсчитэ снаряды 12 миэтэрэ 5 сантиметрга бырахта. Кини Мэҥэ-Хаҥалас улууһун күрэсчитэ Петр Давыдов иитиллээччитэ буолар.
Кэбээйи улууһуттан Роман Ибрагимов дьиҥнээх фурору оҥордо. Ырааҕы ыстаныыга кини ааспыт сыллааҕы аан дойду чөмпүйэнээтин призерын куотан, 6 миэтэрэ 35 сантиметрга ыстанан Арассыыйа рекордунан бастакы миэстэни ылла. Виктория Петрова ядроны анньыыга 10 миэтэрэ 23 сантиметр түмүгү көрдөрөн, Саха сирин хамаандатын аатыттан өссө биир рекорду оҥордо.
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…