Саха сирин чирлидердэрэ «Чирмания-ОПЕН» күрэскэ ситиһиилээхтик кытыннылар

Муус устар 15 күнүгэр Санкт-Петербург куоракка «Чирмания-ОПЕН» диэн чир успуорт көрүҥэр эрэгийиэннэр икки ардыларынааҕы күрэхтэһии буолла. Манна Саха сириттэн «Cheer YA» диэн Алина Черкашина салайар Дьокуускай хамаандата кытынна.

Саха сирин чирлидердэрэ хас да номинацияҕа тэҥинэн кыттан, «чир-фристайл-двойка» диэн көрүҥҥэ дуэтка Анжелика Ширяева уонна Мотрена Иванова бастакы миэстэни ылары ситистилэр. 12-14 саастарыгар диэри оҕолорго Динара Тимофеева уонна Варвара Аммосова иккис миэстэни ыллылар. Маны таһынан, Алина Лауэр, Виталина Максимова бэһис миэстэ, Виктория Юранова алтыс миэстэ буоллулар.

«Чир фристайл» диэн соҕотоҕтуу кыттарга Анжелика Ширяева юниордарга иккис миэстэни ылла. Алина Лауэр бэйэтин саастыылаахтарыгар эмиэ соҕотохтуу кыттан, иккис миэстэҕэ тигистэ. Оттон Варвара Аммосова үһүс миэстэни ылла.