Хаартыска: sakha.gov.ru
Забайкальскай кыраайга «Арассыыйа – кыахтар дойдута» бэрэсидьиэн платформатын «Сенеж» салайыы мастарыскыайын «Дьахтар-лидер. Хоту уонна Уһук Илин. Тардыы кииннэрэ» бырайыагын анал салаатын түмүктүүр модула ыытылынна.
Онно Хотугу уонна Уһук Илин 18 эрэгийиэниттэн 112 олохтоох дьахтар кытынна. Саха сириттэн 11 кыттааччы кытынна, кинилэр истэригэр – өрөспүүбүлүкэ үлэҕэ уонна социальнай сайдыыга миниистирин бастакы солбуйааччыта Альбина Трубина уонна Ньурба улууһун баһылыгын бырайыактары салайыыга уонна уопсастыбаннаһы кытта сибээскэ солбуйааччыта, Ньурба улууһун ыччат дьыалаларыгар уонна имидж бэлиитикэтигэр управлениетын салайааччыта Валерия Владимирова.
«Арктика уонна Уһук Илин – бу, биллэн турар, стратегическай суолталаах сирдэр, уонна онуоха тэҥҥэ – киһи үүнэригэр-сайдарыгар аналлаах миэстэ. Биһиги бу эрэгийиэннэргэ дьахталлар уларыйыылары көҕүлээччи буолалларын көрөбүт: кинилэр уустук соруктары ылсаллар, хамаандалары түмэллэр, дьону-сэргэни кытта үлэлииллэр. Бу — дьиҥнээх киһи хапытаалын сайыннарыыта: санаалар дьайыыга, оттон дьайыылар олохтоох сирдэргэ бигэ уларыйыыларга кубулуйаллар», – диэн «Арассыыйа – кыахтар дойдулара» бэрэсидьиэн платформатын «Сенеж» салайыы мастарыскыайын анал бырайыактарын департаменын салайааччыта, «Дьахтар-лидер» бырайыак координатора Елена Александрова бэлиэтээтэ.
Бырайыак түмүктүүр модула Арассыыйа Федерациятын Уһук Илини уонна Арктиканы сайыннарыыга министиэристибэтин, Федерация Сэбиэтин иһинэн Евразиятааҕы дьахтар пуорумун, Уһук Илини уонна Арктиканы сайыннарар корпорация, ону таһынан Забайкальскайдааҕы судаарыстыбаннай университет өйөбүллэринэн ыытылынна.
«Арассыыйа – кыахтар дойдута» бэрэсидьиэн платформатын «Сенеж» салайыы мастарыскыайын «Дьахтар-лидер» бырайыага 2020 сылтан Федерация Сэбиэтин иһинэн Евразиятааҕы дьахтар пуорумун Сэбиэтин кытта олоххо киирэр.
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…
РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда. Тэрээһин "Россия — семья…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…