Бэҕэһээ, кулун тутар 1 күнүгэр, Саха сирин дьахталларын «Подруги – Дьүөгэлэр» аһаҕас пуорумун пленарнай мунньаҕа буолан ааста. Быйыл сийиэскэ өрөспүүбүлүкэ үрдүнэн 400 дьахтар муһунна.
Дьахталларга аһаҕас пуорума билигин Саха сирин араас муннуктарыттан 30 тыһыынчаттан тахса саха дьахталларын түмэр.
«Пуорум биһиги элбэх национальностаах Сахабыт сирин дьахталларын хамсааһына сырдык, муударай, талааннаах дьахталлары түмтэ. Биһиги өрөспүүбүлүкэбит үгэс буолбут духуобунай баайын-дуолун харыстааһыҥҥа уонна сайдыытыгар тугунан да сыаналаммат оруолу биэрбиккитигэр ис сүрэхпиттэн махтанабын», — диэн сийиэс кыттыылаахтарын Айсен Николаев эҕэрдэлээтэ. Ону сэргэ Айсен Николаев Саха сирэ киһи хапытаалын сайыннарыы уонна дьиэ кэргэн сыаннастарын бөҕөргөтүү боппуруостарыгар ураты болҕомто уурулларын бэлиэтээтэ.
«Экэниэмикэ салааларын, саҥа инфраструктураны сайыннаран, бастатан туран, биһиги болҕомтобутун киинигэр дьон олоҕун тыйыс усулуобуйатыгар тупсарыытын тэрийэбит. Чопчу маннык сыһыан биһиги көлүөнэ оҕо төрөөһүнүгэр үрдүк көрдөрүүлэрин оннунан хаалларарга, олохторун-дьаһахтарын тупсарар кыаҕы биэриэҕэ, кэлиҥҥи сылларга бигэтик үүнэр олохтоох дьон ахсаана лаппа эбиллиэ диэн эрэнэбин», – диэн республика баһылыга бэлиэтээтэ.
«Алта сыл иһигэр бэйэ-бэйэбитин өйөһөн, дьиэ кэргэн социальнай көҕүн үрдэтэргэ уонна уопсастыбаҕа оруолу күүһүрдэргэ бары бииргэ үлэлэһэбит», — диэн пуорум бэрэссэдээтэлэ, ХИФУ Бэрэсидьиэнэ Евгения Михайлова бэлиэтээтэ.
Сийиэс дэлэгээттэринэн дойду Бэрэсидьиэнэ Владимир Путин национальнай бырайыактарын олоххо киллэриигэ, Саха сирин улуустарын уонна оройуоннарын сайдыытыгар, ону тэҥэ Саха сирин дьахталларыгар уонна нэһилиэнньэтигэр аһаҕас ыҥырыы оҥоһуллунна. Сийиэскэ кулун тутар 5 күнүгэр Москваҕа ыытыллар Бүтүн Арассыыйатааҕы дьахтар пуорумнарыгар кыттар дэлэгээттэр талылыннылар.
Санатан эттэххэ, «Подруги – Дьүөгэлэр» Саха сирин дьахталларын холбоһуктаах аһаҕас пуорума өрөспүүбүлүкэ дьахталларын социальнай көхтөрүн тупсарыыга, бииргэ үлэлээһиҥҥэ, олохторун- дьаһахтарын хаачыстыбатын тупсарыыга көмөлөһүүгэ туһуланар. Бырайыак «Биир ньыгыл Арассыыйа» баартыйа Саха сиринээҕи Сэбиэтин мунньаҕар өйөммүтэ. Пуорум хас да хайысханы ситимниир: «Ийэлэр үлэлэрэ», «Дьахтар университета», «Дьахтар доруобуйата», «Эдэр Саха сирэ», «Дьахтар экэниэмикэтэ», «Оскуолаҕа дьахтар бэлиитикэтэ», «Эппиэтинэстээх төрөппүт оскуолата» о.д.а.
СӨ Ил Дарханын уонна Бырабыыталыстыбатын пресс-сулууспата
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…