Алтынньы 9-12 күннэригэр Москваҕа Тимирязевскай академия үөрэтэр-быыстапкалыыр комплексын былаһааккатыгар “Көмүс күһүн – 2024” быыстапка 26-с төгүлүн ыытыллар. Быыстапкаҕа Саха сирин Бырабыыталыстыбатын Бэрэссэдээтэлин солбуйааччы Сергей Местников, өрөспүүбүлүкэ тыатын хаһаайыстыбатын уонна аска-үөлгэ бэлиитикэтин миниистирэ Артем Александров кытталлар.
“Көмүс күһүн – 2024”Арассыыйатааҕы тыа хаһаайыстыбатын быыстапкатын чэрчитинэн араас тэрээһиннэр ыытылла тураллар. Саха сирин дэлэгээссийэтэ бу тэрээһиҥҥэ үрдүк бэлэмнээх тиийбитэ. Тоҕо диэтэххэ, өрөспүүбүлүкэтээҕи “Ас-үөл-2024” быыстапка-дьаарбаҥканы соторутааҕыта үрдүк тэрээһиннээхтик ыыппыттара.
Өссө биир үчүгэй сонунунан “Саха сүөһүтэ” хааһына тэрилтэтин селекционер-зоотехнига Алексей Варламов уонна “Бөртө” сылгы собуотун зоотехнига Кэрэчээнэ Юмшанова Бүтүн Арассыыйатааҕы селекционер-зоотехниктар үһүс куонкурустарыгар кыттыылара буолар. Бу куонкуруска кыттыыга бэлэмнэнии чэрчитинэн туһааннаах министиэристибэ от ыйыгар Бүлүү улууһугар Сырдык Уулаах сайылыкка ыыппыта. Онно өрөспүүбүлүкэ зоотехниктара түмсэн, куоталаспыттара, уопут атастаспыттара, бэтэрээннэрин чиэстээбиттэрэ. Куонкуруска элбэх наҕараадаламмыттар ортолоругар “Саха сүөһүтэ” тэрилтэ селекционер-зоотехнига Алексей Варламов эмиэ баара. Киниэхэ аатырбыт зоотехник Ион Павлович Цыпандин кыыһа Марина Ионовна “Кэскиллээх селекционер” диэн бирииһи үөрүүлээх быһыыга-майгыга туттарбыта. Аны билигин Бүтүн Арассыыйатааҕы куонкуруска тиийэн, “Идэҕэ таптал” диэн номинацияны Алексей Варламов ылар чиэскэ тигистэ.
Дьэ, бу курдук СӨ Тыатын хаһаайыстыбатын уонна аска-үөлгэ бэлиитикэтин министиэристибэтин өрөспүүбүлүкэ иһигэр тэрийэр тэрээһиннэрэ Арассыыйаҕа үрдүк бэлэмнээх кыттыыга көмөлөһөрүн туоһулаата. Билигин өссө бу “Көмүс күһүн – 2024” тэрээһин түмүгүнэн өссө да элбэх наҕараадаларга Саха сирин тыатын хаһаайыстыбатын салаатын үлэһиттэрэ, хаһаайыстыбалара тиксиэхтэрэ турдаҕа.
Хаартыска: ааптар уонна “Сахаплемхолбоһук” тэрилтэ тиксэриитэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…