Хаартыска: Ил Дархан пресс-сулууспата
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong Heavy Industry Group Co., Ltd. хампаанньа бэрэстэбиитэллэрин кытары көрүстэ.
Хампаанньа ыстаалы оҥоруу кээмэйинэн Кытайга 5-с, аан дойдуга 8-с миэстэлэргэ сылдьар.
Дьулустаан Борисов көрсүһүү СӨ бырабыыталыстыбатын уонна Beijing Jianlong Heavy Industry Group Co., Ltd хампаанньа икки ардыларыгар бииргэ үлэлээһини олохтуурга суолталааҕын бэлиэтээтэ. Арассыыйа уонна Кытай экэниэмикэлэрэ бэйэ-бэйэлэрин ситэрсэн биэрэллэр. Саха сирэ наадалаах сырьеҕа баай саппаастаах РФ эрэгийиэнинэн буолар, онтон Кытайга батарыы улахан ырыынага хардарыта бииргэ үлэлээһини сайыннарар кыаҕы биэрэр.
Хампаанньа үпкэ уонна инвестицияларга дириэктэрэ Чжэн Кай салгыы бииргэ үлэлииргэ интэриэстээҕин бигэргэттэ уонна бырамыысыланнаска холбоһуктаах инвестиция бырайыактарыгар кэпсэтиилэри ыытарга бэлэмин биллэрдэ. Инвестиция бырайыактарыгар киирэр «Джалинда-Мохэ» тимир суол бырайыагын олоххо киллэрии хостонор баай сириттэн Кытайга диэри кыраныыссаҕа арыта 500 килэмиэтиргэ тиийэ кыччатарга көмөлөһүөҕэ. Дьулустаан Борисов логистика боппуруостарын быһаарарга ити этиллибит көрүҥҥэ болҕомто уурарга этии киллэрдэ. Тойон Чжэн Кай чоҕу тастан киллэрии кээмэйин улаатыннарар уонна Саха сирин хампаанньаларыттан тимир рудалаах концентраты атыылаһар баҕалаахтарын эттэ.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…
Үөһээ Бүлүү улууһун уонна Татарстан Буинскай оройуонун икки ардыларыгар атыы-эргиэн, экэниэмикэ, билим, тиэхиньикэ, култуура уонна…
Дьокуускайга Инбэлииттэр дэкээдэлэригэр анаммыт «Обнимаю сердцем. Возможности» бэстибээл чэрчитинэн кэммиэрчэскэйэ суох тэрилтэлэр социальнай бырайыактарын көрдөрүүтэ…
Бүлүү улууһун Халбаакы нэһилиэгэр 100 миэстэлээх саҥа хотон аһылынна. «Халбаакы» оҥорон таһаарар кэпэрэтиибин саҥа эбийиэгэ…
Дьокуускай куорат уокуругун Эргэ Табаҕа сэлиэнньэтин олохтоохторун сүбэлиир соруктаах оробуочай сырыыны тэрийдилэр. Бу сырыыга Өлүөнэ…