Саха сирин дэлэгээссийэтэ «Малая Родина» Арассыыйатааҕы пуорумҥа кыттар
![](https://sakha-sire.ru/wp-content/uploads/2024/01/screenshot_20240116-092045_chrome-928x596.jpg)
Тохсунньу 15-16 күннэригэр Саха сирин улуустарын бэрэстэбиитэллэрэ «Малая Родина» диэн бүтүн Арассыыйатааҕы пуорумҥа кытта сылдьаллар.
Тэрээһин 89 эрэгийиэнтэн 7,5 тыһыынча муниципальнай түмсүү бэрэстэбиитэллэрин «Россия»норуоттар икки ардыларынааҕы быыстапка-пуорумҥа түмтэ. Манна Саха сириттэн уопсайа 155 киһи, олор ортолоругар улуус, нэһилиэк баһылыктара кыттыыны ыла сылдьаллар.
— Дьыалабыай бырагыраамма чэрчитинэн биһиги эрэгийиэммит уопутун атастаһар санаалаахпыт, ону сэргэ атын эрэгийиэннэр ситиһиилэрин кытта билсиэхпит, — диэн Чурапчы улууһун баһылыга Степан Саргыдаев санаатын үллэһиннэ.
«Үлэ түмүгэ дьон-сэргэ сыанабылыттан турар. Онтон атын туох даҕаны буолбатах. Мин көрүүбэр, судаарыстыбаннай, муниципальнай уорган төһө көрдөрүүлээхтик үлэлиирин бар дьон санаата этэр», — диэтэ «Сила в людях» сиэссийэ кэмигэр РФ бэрэсидьиэнин дьаһалтатын салайааччытын бастакы солбуйааччыта Сергей Кириенко
Саха сирин Ил Дархана сүрүн болҕомтотун өрөспүүбүлүкэ улуустара сайдыыларыгар уурар. Ааспыт 2023 сылга Саха сирин куораттарын, нэһилиэктэрин сайыннарыыга, тупсарыыга 3 млрд.солк. ыытыллыбыта. Ол курдук Саха сирэ Арассыыйатааҕы Уһук Илиҥҥи куораттары, нэһилиэктэри тупсарыы бырайыактарын куонкуруһугар лидер быһыытынан тахсыбыта. Саха сирин 10 нэһилиэгин бырайыактарын олоххо киллэрэллэригэр Федеральнай бүддьүөттэн 900 мөл.солк.көрүллүбүтэ.
Пуорум сүрүн соругунан үтүө үгэһи үйэтитии, олохтоох бэйэни салайыыны сайыннарыы буолар.
Бэлиэтээн эттэххэ, дойду бэрэсидьиэнэ Владимир Путин ХХI үйэҕэ национальнай уратыга болҕомто ууран туран Уһук Илини сайыннарыы туһунан иһитиннэрбитэ. «Россия» быыстапкаҕа федеральнай уокурук бары эрэгийиэннэрэ бэйэлэрин ситиһиилэрин көрдөрүөхтэрэ. Быыстапка дойду бэрэсидьиэнэ Владимир Путин дьаһалынан ааспыт сыл сэтинньи 4 күнүттэн муус устар 12 күнүгэр диэри ыытыллыаҕа.
Сообщить об опечатке
Текст, который будет отправлен нашим редакторам: