Хаартыска: Саха сирин Култуураҕа министиэристибэтин пресс-сулууспатыттан.
СӨ Култуураҕа уонна духуобунай сайдыыга миниистирин солбуйааччы Марина Силина Арассыыйаҕа XXII төгүлүн ыытыллар Дельфийскэй оонньууларга кыттар дэлэгээссийэни кытта көрүстэ.
Оонньуулар Саратовскай уобаласка муус устар 21-26 күннэригэр ыытыллыахтара. Өрөспүүбүлүкэ дэлэгээссийэтин кыттыылаахтара бүгүн көттүлэр. Эдэр талааннар Арассыыйа таһымыгар 2022 сыл сэтинньититтэн сүүмэрдиир түһүмэхтэргэ кыттан, талыллыбыт састаапка киирдилэр. Муус устар 19 күнүгэр СӨ Култуураҕа уонна духуобунай сайдыыга миниистирин солбуйааччы Марина Силина манна кыттар ыччаты кытта көрсөн, Дельфийскэй оонньууларга норуоттар икки ардыларынааҕы, Арассыыйатааҕы, өрөспүүбүлүкэтээҕи куонкурустар кыайыылаахтара кытта баран эрэллэрин бэлиэтээн эттэ.
— Эһиги барыта аҕыс номинациянан — скрипкаҕа, живописка, уруһуйдуур искусствоҕа, уус-уран оҥоһуктарга, классическай үҥкүүгэ, теле-суруналыыстыкаҕа, ас астааһыныгар, балалайкаҕа күрэхтэһиэххит. Бу хайысхаларга бэйэҕит билиигитин-көрүүгүтүн көрдөрөн, ситиһиилээхтик кыттан кэлиэххит диэн эрэнэбин. Саха сирэ 2022 сыл түмүгүнэн Арассыыйа субъектарын ортолоругар Дельфийскэй рейтиҥҥэ тохсус кэккэҕэ сылдьар. Былырыын бастакытын ыытыллыбыт Арктикатааҕы Дельфийскэй оонньууларга Дьокуускайдааҕы художественнай училище устудьуона Станислав Козаренко уонна Муусука үрдүкү оскуолатын устудьуона Айсулуу Туркебаева кыһыл көмүс мэтээли ылары ситиспиттэрэ. Онон, эһиэхэ эмиэ ситиһиилэри, айар талааҥҥытын толору туһанаргытыгар баҕарабын, — диэтэ миниистири солбуйааччы.
Быйылгы оонньууларга Муусука үрдүкү оскуолатын, Дьокуускайдааҕы художественнай училище, Посельскаялар ааттарынан Дьокуускайдааҕы балетнай оскуола, Покровскайдааҕы колледж, Сервис технологическай техникумун, Нам педколледжын, Арктикатааҕы култуура уонна искусство институтун устудьуоннара кыттыахтара.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…