Саха сирин дьоллоох олохтооҕо лотереяҕа мөлүйүөнү сүүйбүтүнэн көрдүүллэр

«Национальнай Лотерея» «Мечталлион» лотерея 154-с тираһын Саха сириттэн  кыайыылааҕын көрдүүр. Кыайыылаах  биир мөлүйүөн солкуобайы сүүйбүт билиэти Нерюнгрига баар фирменнэй атыылыыр туочукаттан атыыласпыт.

Дьоллоох билиэт хаһаайына билиҥҥэ диэри сүүйүүтүн ыла илик. Бу туһунан Арассыыйа Үбүн министиэристибэтэ тэрийбит Бүтүн Арассыыйатааҕы судаарыстыбаннай лотереялар бреннэрин пресс-сулууспата иһитиннэрдэ.

Сүүйүүлээх билиэт Нерюнгри к., Ленин проспега, 6 аадырыстаах фирменнэй атыылыыр туочукаттан атыылаһыллыбыт.

«Биһиги Ленин проспегын, 6-с дьиэтигэр баар фирменнэй атыылыыр туочукаттан баскыһыанньатааҕы № 154 тиражка «Мечталлион» билиэттэрин атыыласпыт Нерюнгри бары олохтоохторун билиэттэрин бэрэбиэркэлииллэригэр ыҥырабыт. Баҕар, сүүйбүтүн билиҥҥэ диэри билбэккэ сылдьар, саҥа «миллионерын» эһиги буолуоххутун сөп», – диэн «Национальнай Лотерея» пресс-сулууспата бэлиэтээтэ.

Билиэт сүүйүүлээҕин-суоҕун  кэлин өттүгэр баар QR-куодунан эбэтэр «Национальнай Лотерея» официальнай саайтыгар «Билиэти бэрэбиэркэлээһин» страницаҕа киирэн бэрэбиэркэлиэххэ сөп. Бирииһи оонньуу түмүгэ тахсыбытын кэннэ сэттэ ый устата ылыахха сөп. Ол туһугар «Национальнай Лотерея» килийиэннэри кытта үлэлиир офиһыгар тиийиэххэ наада. Сиһилии 8 800 333-7-333 нүөмэрдээх түүннэри-күнүстэри үлэлиир босхо төлөпүөнүнэн билсиҥ.