Дьокуускайга Кыайыы болуоссатыгар куорат олохтоохторо, ыалдьыттара кэлэннэр сибэкки дьөрбөтүн уураллар, чүмэчи уматаллар.
Манна Москва Дьоруой-куорат мемориальнай билиитэтигэр Красногорскайга «Крокус Сити Холл» комплекска өлбүттэр ааттарын кэриэстээн сибэкки дьөрбөтүн уураллар.
«Бүгүн Арассыыйа бүттүүнэ Москва уобалаһыгар буолбут иэдээннээх быһыынан кутурҕанын биллэрэр. Биһиги бары кутурҕаммытын тиэрдэбит уонна бу иэдээҥҥэ эмсэҕэлээбиттэр түргэнник үтүөрэллэригэр баҕарабыт. Дьону-сэргэни сэргэх буолуҥ диэн этэбит. Биһиги сомоҕолоһуохпутун наада. Барыбыт уопсай кыайыыбытын уһаныахпыт», — диир «Биир ньыгыл Арассыыйа» баартыйа эрэгийиэннээҕи салаатын салайар Сулустан Заболоцкай.
Арассыыйатааҕы Норуот фронун эрэгийиэннээҕи отделениетын хос бэрэссэдээтэлэ Дмитрий Паньков өрөспүүбүлүкэ бүттүүнэ кутурҕанын тиэрдэрин этэр.
«Аны маннык алдьархай тахсыбатын. Туох буолбутун киһи тылынан кыайан этэр кыаҕа суох. Буруйдаахтары, сидьиҥ санаалаахтары туттулар. Кэлэр видеолары киһи харах уулаах көрөр. Эмсэҕэлээбит дьон түргэнник үтүөрэллэригэр баҕарабын», — диир кини.
Кулун тутар 22 күнүгэр «Крокус Сити Холл» комплекска теракка эйэлээх дьон өлбүтэ, эмсэҕэлээбитэ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Мария Васильева түһэриитэ, СИА
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…