Хаартыска: Ил Дархан пресс-сулууспата
“Арассыыйаҕа ыччат куората” куонкурус иккис төгүлүн ыытыллар. 2023 сыллаахха Арассыыйаҕа ыччат куоратынан буолбут Нижнэй Новгород бэйэтин аатын эспиэрдэр сыанабылларынан, норуот куоластааһынынан уонна инспекторскай сырыылар түмүктэринэн элбэх баалы ылбыт куоракка биэриэҕэ.
Быйыл РФ куораттарыттан “Ыччат киин куората-2024” ааты ылар иһин 18 сайаапка киирдэ. Владивосток, Красноярскай, Омскай, Москва уонна Мурманскай куоластааһын финалыгар таҕыстылар.
Арассыыйа ыччатын саайтын чахчытынан, билигин Владивосток 232 тыһыынчаттан тахса куолаһынан инники иһэр.
Владивосток — быраамысыланнас, тырааныспар уонна наука кииннээх, Арассыыйаҕа Тиихэй акыйаан кытылыгар саамай бөдөҥ портаах, дьыалабыай уонна култуурунай атастаһыы киининэн буолар.
Норуот куоластааһына ахсынньы 21 күнүгэр 09.00 чааска (Москва бириэмэтинэн) диэри салҕанар.
– Норуот куоластааһынын официальнай саайтыгар ВК эбэтэр Судаарыстыбаннай өҥөлөргө киирэн.
– «Молодежная Столица России – 2024» категорияҕа Владивостогу талаҕыт.
– “Куоластыахха” кунуопканы баттыыгыт уонна өйүүргүтүн биллэрэҕит.
Кыайыылааҕы “Арассыыйа” аан дойдутааҕы быыстапка-пуорумҥа Ыччат дьиэтигэр “Эдэрдэр бириэмэлэрэ” бириэмийэни туттарыы сиэригэр-туомугар биллэриэхтэрэ.
Кыайыылаах куорат 2024 сылга “Арассыыйаҕа ыччат куората” анал ааты уонна бонустары ылыаҕа. Бонустар ортолоругар федеральнай таһымнаах тэрээһиннэри ыытыы, куорат ыччатыгар Граҥҥа эбии куонкурус уо.д.а. бааллар.
СӨ Ил Дарханын уонна бырабыыталыстыбатын пресс-сулууспатын матырыйаалынан
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…
Косметологическай килииньикэлэр килийиэннэрэ төлөөбүт өҥөлөрүн сыанатыттан 13% нолуоктан вычет төлөбүрүн ылыахтарын сөп. Ол эрээри, бу…
Бүгүн Чурапчы Болтоҥотугар быһыт тоҕо барбытынан, таатталарга «муускутун суһаллык харайыа этигит» диэн ис хоһоонноох биллэрии…
Бүгүн III Өрөспүүбүлүкэтээҕи «Норуот уонна аармыйа - биир сомоҕо» Фашизмы утары пуорум чэрчитинэн «Арассыыйа –…
Ленскэйтэн төрүттээх Елизавета Дерменжи киокусинкайга Аан дойду Куубагар үс бастыҥ иһигэр киирэн, боруонса мэтээл кыайыылааҕынан…
Норуот сомоҕолоһуутун күнүгэр Дьокуускайга А.Е. Кулаковскай аатынан Норуоттар доҕордоһууларын дьиэтин былаһааккатыгар сыл аайы ыытыллар «Улахан…