Саха сирин дуобатчыттара аан дойду бастыҥнарын кэккэтигэр киирдилэр

Бу күннэргэ Московскай уобаласка дуобакка аан дойду чөмпүйэнээтэ түмүктэннэ. Манна 27 дойдуттан 90-ттан тахса спортсмен кытынна диэн «Триумф» пресс-сулууспата иһитиннэрэр.

Саха сириттэн Тунаара Федорова уонна Николай Стручков классическай оонньууга аан дойду чөмпүйүөннэринэн буоллулар.

Күрэхтэһии бастакы күнүгэр Сандаара Апросимова түргэн оонньууга чөмпүйүөннээбитэ, оттон Тунаара Федорова бу көрүҥҥэ боруонса мэтээли ылары ситиспитэ.

Онон Саха сирин сүүмэрдэммит хамаандата аан дойду чөмпүйэнээтиттэн үс кыһыл көмүс уонна биир боруонса мэтээллэри ыллылар.