Дьулустаан Сергеев, ЯСИА
Дзюдоистар сыл устата күүппүт дойду иһинээҕи сүрүн күрэхтэһиилэрэ алтынньы 16-19 күннэригэр Екатеринбург куоракка ыытыллыаҕа.
Дьахталларга уонна эр дьоҥҥо Арассыыйа чөмпүйэнээтин түмүгүнэн норуоттар икки ардыларынааҕы күрэхтэһиилэргэ дойду сүүмэрдэммит хамаандатын састааба быһаарыллыаҕа. Саха сирин чиэһин сэттэ күрсэчит көмүскүөҕэ диэн ЯСИА иһитиннэрэр.
Саха сирин сүүмэрдэммит хамаандатын сүрүн састааба Екатеринбург куоракка бэһис сылын дьарыктанар, онон бу күрэхтэһии кинилэргэ дойдуларыгар киирсэр курдук буолуоҕа. Кинилэргэ Уһук Илин чөмпүйэнээтигэр ситиһиилээхтик кыттан, сүүмэрдээһини ааспыт дзюдоистар холбостулар.
Алтынньы 16 күнүгэр көбүөргэ бастакынан Бүтүн Арассыыйатааҕы күрэхтэр хас да төгүллээх кыайыылаахтара уонна призера Полина Иудина (78 кг) уонна Уһук Илин чөмпүйүөнэ Магомед Измайлов (73 кг) киирсиэхтэрэ. Бу күн киэһэ финаллар буолуохтара.
Бээтинсэҕэ Уһук Илин үрүҥ көмүс мэтээлин хаһаайката Светлана Пайдютова (63 кг) уонна Арассыыйа хас да төгүллээх призера Надежда Татарченко (70 кг) күүстэрин холонуохтара. Оттон субуотаҕа Россия чөмпүйүөннэрэ Аина Моисеева (48 кг) уонна Карина Ефимова (52 кг) киирсиэхтэрэ. 48 киилэҕэ диэри ыйааһыҥҥа Уһук Илин федеральнай уокуругун чөмпүйэнээтин кыайыылааҕа Диана Вихарева эмиэ бэйэтин кыаҕын көрдөрүөҕэ.
Горнай улууһуттан аҕыс оҕону иитэр Айтал уонна Саргылана Никаноровтар “Сыл ыала” Бүтүн Арассыыйатааҕы куонкуруска “Эдэр…
Икки сыл анараа өттүгэр Үөһээ Халыма улууһугар улахан устуоруйаҕа киирэр арыйыы буолбута – 1930-с сылларга…
Хаҥалас улууһун борокуратуурата үлэ сокуонун тутуһууну бэрэбиэркэлээтэ. Бу туһунан СӨ Борокуратууратын пресс-сулууспата иһитиннэрэр. Бэрэбиэркэ түмүгүнэн,…
Саха сириттэн «Эколучики» хамаанда Бүтүн Арассыыйатааҕы оҕо пуорумугар «Экологияҕа бастыҥ сыыппара быһаарыыта» анал аакка кыайыыны…
Бу ыарыы дойду бары сирдэринэн, ол иһигэр Саха сиригэр эмиэ тарҕаммыт ыарыы. Ыарыыны паратифознай «salmonella…
Алтынньы 16 күнүгэр, чэппиэргэ, СӨ Тутууга миниистирэ Виктор Романов социальнай ситимнэргэ быһа эпиири ыытыаҕа. Кини…