Саха сирин дзюдоистара Арассыыйа чөмпүйэнээтигэр кыттарга алта путевканы ылары ситистилэр

Саха сирин сүүмэрдэммит хамаандатын дзюдоистара эр дьон уонна дьахталлар ортолоругар Уһук Илин чөмпүйэнээтигэр ситиһиилээхтик кытыннылар.

Хамаанда араас сэттэ мэтээли ылары ситистэ. Күрэхтэһии Хабаровскайга 9 хамаанда уонна 57 спортсмен кыттыылаах ыытылынна.

Уһук Илин первенствотын күрэхтэһиитин кыайыылаахтарынан Саха сирин хамаандатыттан Магомед Измайлов (73 кг), Илья Громов (81 кг), Диана Вихарева (48 кг) уонна Олеся Трифонова (70 кг) буоллулар. Оттон Собиржон Оев (81 кг) уонна Светлана Пайдютова (63 кг) үрүҥ көмүс мэтээллэри ыллылар. Оттон Рашид Михайлов (73 кг) боруонса мэтээлинэн наҕараадаланна.

Бэлиэтээн эттэххэ, эр дьон уонна дьахталлар ортолоругар Уһук Илин чөмпүйэнээт финалистара Арассыыйа чөмпүйэнээтигэр кыттар быраабы ыллылар. Кини алтынньыга Екатеринбург куоракка буолар чөмпүйэнээккэ кыттыахтара. Бу туһунан «Триумф» пресс-сулууспата иһитиннэрэр.