Саха сирин дзюдоистката Надежда Татарченко Арассыыйа Куубагар иккис миэстэни ылла

Саха сирин сүүмэрдэммит хамаандатын дзюдоистката Надежда Татарченко Череповец куоракка дьахталларга ыытыллыбыт Арассыыйа Куубагын үрүҥ көмүс мэтээлин хаһаайкатынан буолла.

Бу туһунан Сүүмэрдэммит хамаандалары успуорка бэлэмнээһин өрөспүүбүлүкэтээҕи киинигэр иһитиннэрдилэр. Хамаанда бастыҥ күрэсчиттэрин биирдэстэрэ  70 киилэҕэ диэри ыйааһыҥҥа кииристэ. Күрэхтэһиини чиэппэр финалтан саҕалаата, онно кини утары хас да Бүтүн Арассыыйатааҕы турнир кыайыылааҕа, Волгоград уобалаһыттан сылдьар Любовь Астамирова кииристэ. Бу киирсиигэ Татарченко баһыйда.

Полуфиналга кинини утары Арассыыйа бастыыр иһин күрэҕин кыһыл көмүс мэтээлин хаһаайката, Пермскэй кыраайтан сылдьар Фируза Азамова күөн көрүстэ. Бу сырыыга эмиэ Саха сирин сүүмэрдэммит хамаандатын дзюдоистката кыайыылааҕынан тахсыбыт. Татарченко финалга эрэ дойду киин куоратыттан сылдьар Анна Гадомскаяҕа баһыйтарда. Ити курдук, Надежда Татарченко Арассыыйа Куубагын үрүҥ көмүс мэтээлинэн түмүктээтэ.