Саха сирин дзюдоистката Надежда Татарченко Европа Куубагын призерунан буолла

Саха сирин дзюдоистката Надежда Татарченко Арассыыйа сүүмэрдэммит хамаандатын састаабыгар киирэн Босния уонна Герцеговинаҕа ыытыллыбыт Европа Куубагар кытынна. Кини боруонса мэтээл хаһаайката буолла. Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинигэр иһитиннэрдилэр.

Татарченко 70 киилэҕэ диэри ыйааһын категориятыгар кииристэ, бу ыйааһыҥҥа кини соторутааҕыта эрэ көспүтэ. Саха сирин сүүмэрдэммит хамаандатын лидера саҥа категорияҕа бастакы мэтээли ылары ситистэ. Бастакы миэстэни Германия бэрэстэбиитэлэ Сара Мехлау ылла, кини финалга олохтоох Александра Самарджиһы кыайда. Иккис боруонса мэтээли Надеждалыын Данияттан сылдьар Эмили Сук үллэһиннэ.