Хаартыска: "Юные якутяне" ресурснай киин.
Эбии үөрэхтээһин эйгэтигэр “Сердце отдаю детям” Бүтүн Арассыыйатааҕы куонкурус эрэгийиэннээҕи түһүмэҕэр 19 улуустан уонна “Дьокуускай”, “Жатай” уокуруктартан 44 педагог кыттар.
“Сайыннарар эйгэҕэ биир да оҕону хаалларбакка барыларын сыһыарар суолталаах. Эбии үөрэхтээһин көмөтүнэн оҕо кыра сааһыттан билэрэрө-көрөрө үксүүр, сатабыл иҥэринэн, кыаҕын арыйан, салгыы сайдарыгар көмөлөһөр”, — диэн Ил Дархан Айсен Николаев бэлиэтээн турар.
Куонкурус сыала – оҕо айар дьоҕурун сайыннарарга педагог уонна уһуйааччы оруолун үрдэтии, оҕону эбии үөрэхтээһин педагогтарын туругун бөҕөргөтүү, кинилэр идэҕэ маастарыстыбаларын тупсарыы, бастыҥ быраактыканы уонна мэтиэдикэни быһаарыы, өрөспүүбүлүкэ талааннаах педагогтарын өйөөһүн.
Куонкуруска үөрэх тэрилтэтин бары көрүҥэр эбии үөрэхтээһин бырагырааматын олоххо киллэрэр араас дуоһунастаах педагогическай үлэһиттэр кытталлар.
Сүүмэрдиир түһүмэххэ 9 хайысханан барыта 70 сайаапка киирбитэ. Ордук элбэх киһи “Тиэхиньиичэскэй”, “Социальнай-гуманитарнай” уонна “Уус-уран” номинацияларга кыттар.
Муус устар 3 күнүгэр күн бастакы аҥаарыгар “Эбии үөрэхтээһиҥҥэ оҕону үөрэтиини уонна иитиини тэрийиигэ саҥа ньымалар” аһаҕас маастар-кылаас буолбута.
Күн иккис аҥаарыгар “Оҕо кыаҕын уонна талаанын сайыннарарга эбии үөрэхтээһин эйгэтин бырайыактааһын” тута оҥоһуллар куонкуруһу ыыппыттара.
Иккис түһүмэххэ кыттааччылар “Педагогическай многоборьеҕа” уонна “Оҕону эбии үөрэхтээһин үрдүкү лигатыгар” – СӨ Үөрэҕин уонна билимин министиэристибэтин бэрэстэбиитэлин кытта идэ туһунан кэпсэтиигэ бэйэлэрин маастарыстыбаларын көрдөрүөхтэрэ.
Куонкурус түмүгэр кыайыылааҕы уонна лауреаттары быһаарыахтара. Кинилэр матырыйаалларын Бүтүн Арассыыйатааҕы “Сердце отдаю детям” куонкуруска ыытыахтара. Быйыл финал былырыыҥҥы муҥутуур кыайыылаах дойдутугар Санкт-Петербурга буолуоҕа.
Саха сиригэр “Сердце отдаю детям” куонкурус 1998 сылтан ыытыллар. Быйылгы тэрээһин Арассыыйаҕа Педагог уонна уһуйааччы сылыгар ананар.
Ил Дархан уонна Бырабыыталыстыба пресс-сулууспата.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…