Хаартыска: www.sakha.gov.ru
Физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ муус устар 12-18 күннэригэр Дьокуускай куоракка ыытыллыаҕа, дойду бары эрэгийиэннэриттэн 300-чэкэ оҕо кыттыаҕа.
Бырабыыталыстыба бэрэссэдээтэлин солбуйааччы Анатолий Семенов успуорт эбийиэктэрэ тэрээһиҥҥэ төһө бэлэмнэрин бэрэбиэркэлээтэ.
“Үөрэх уонна билим, успуорт министиэристибэлэрин, борокуратуура, ЫБММ, Роспотребнадзор бэрэстэбиитэллэрин кытта успуорт комплекстарыгар сырыттыбыт. Эбийиэктэр бэлэмнэрин эрэ буолбакка, олимпиада кэмигэр куттал суох буолуутун хааччыйыы боппуруоһун ырытыстыбыт. Талааннаах үөрэнээччилэр бэйэлэрин эрэгийиэннэрин аатыттан кыттыахтаах, ситиһиилэрин көрдөрүөхтээх успуорт бары эбийиэктэрэ олимпиаданы ыытыыга бэлэмнэр. Бу тэрээһин кыттааччыларга успуорт, билии, доҕордоһуу чаҕылхай бырааһынньыгын быһыытынан буоларыгар эрэллээхпин” – диэн Анатолий Семенов эттэ.
Олимпиада түһүмэхтэрэ “Өрөгөй”, “Кыайыы 50 сыла”, “Дохсун”, “Чолбон” успуорт комплекстарыгар, “Чыпчаал” элбэх хайысхалаах саалатыгар ыытыллыахтара.
Кыттааччылар физическэй култуураҕа уонна 20-тэн тахса киэҥник тарҕаммыт успуорт көрүҥэр күрэхтэһиэхтэрэ: баскетболга, бадминтоҥҥа, волейболга, гандболга, мини-футболга, чэпчэки атлетикаҕа, гимнастикаҕа о.д.а.
Ил Дархан уонна Бырабыыталыстыба пресс-сулууспата.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…