Хаартыска -- СӨ Аҕа быһылыгын уонна бырабыталыстыбатын пресс-сулууспата.
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл саҕаланыытыттан түөрт ый устата 52 күрэхтэһиигэ кыттыыны ыллылар.
Оҕолор дойду, норуоттар икки ардыларынааҕы уонна Уһук Илин уокуругун эрэгийиэннэрин икки ардыларынааҕы таһымнаах күрэхтэһиилэргэ 288 мэтээли дойдуларыгар аҕаллылар. Быйыл сыл саҕаланыаҕыттан 38 эрчиллэр тэрээһиннэр Хабаровскай, Махачкала, Новосибирскай, Екатеринбург, Кисловодскай, Дьокуускай, Москва, Владивосток куораттарга уонна Кытайга буоллулар. Бүгүҥҥү күҥҥэ эрчиллэр күрэхтэһиилэр Кабардино-Балкарияҕа (уолаттарга — бокс) уонна Ингушетияҕа ( кыргыттарга – бокс), Москваҕа (баскетбол), Дагестаҥҥа (кик-боксинг), Дьокуускайга (үҥкүү успуода) буола тураллар. Маны таһынан, самбистар – Чувашияҕа, тхэквондистар — Доннааҕы Ростовка, харбааччылар — Южно-Сахалинскайга уонна Казаҥҥа, хапсаҕайдьыттар — Улан-Удэҕэ, теннисистэр – Кытай Харбиныгар, мас тардыһааччылар — Улан-Баторга, волейболистар — Чурапчыга ыытыллар күрэхтэһиилэргэ кыттан эрчиллэллэр. Нерюнгригэ Арассыыйа үөрэнээччилэрин спартакиадатын иккис түһүмэҕэ буола турар. Онно өрөспүүбүлүкэ бастыҥ спортсменнара кыттыыны ылаллар. Ити курдук, бары көрүҥнэринэн ыытыллар күрэхтэһиилэри, эрчиллиилэри ааттыы, ааҕа туруохха сөп.
Саха сирэ тэрийээччи быһыытынан успуорт 24 көрүҥэр икки хамаанданан кыттар. Быһа холуйан, хамаандалар састааптарыгар 537 киһи баар: ол иһигэр 370 спортсмен, 121 – тириэньэр, 45 – хамаандалар бэрэстэбиитэллэрэ. Хамаанда састаабын бүтэһиктээх быһаарыыта бэс ыйын 1 күнүгэр бигэргэниэҕэ.
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…