Саха сирин экэниэмикэтигэр 723 миллиард солкуобайдаах инвестиция тардылынна

Саха сирин экэниэмикэтигэр 723 миллиард солкуобайдаах инвестиция киллэрилиннэ. Ол туһунан Айсен Николаев Уһук Илиҥҥи эрэгийиэннэр социальнай-экэнэмиичэскэй сайдыыларын боппуруостарынан мунньахха иһитиннэрдэ.

Саха сирэ Уһук Илиҥҥэ валовай бородууктанан, бырамыысыланнас үлэтинэн уонна бүддьүөккэ бэйэ дохуотун кээмэйинэн инники иһэр.

Саха сирэ Национальнай рейтиҥҥэ Саха сирин инвестицияҕа килиимэтин туругунан, “Регуляторнай среданан”  биэс бастыҥ эрэгийиэн иһигэр киирэр.

Юрий Трутнев сүрүн хапытаалга инвестициялар Уһук Илиҥҥи сир-уот сайдыытыгар  сүрүн күлүүһүнэн буолалларын бэлиэтээтэ.

“Биһиги сүрүн хапытаалга инвестициялары Уһук Илин сайдыытын сүрүн үнүстүрүмүөнүнэн   салгыы ааҕабыт. Чуолаан инвестициялар уонна Уһук Илиҥҥэ саҥа тэрилтэлэри уонна оробуочай миэстэлэри таһаарыынан Уһук Илин күүһүрэр”, — диэн Юрий Трутнев бэлиэтээн эттэ.

Кини олорор дьиэлэри үлэҕэ киллэрии көрдөрүүтүнэн Приморье кыраайын уонна Саха сирин, бырамыысыланнаска үлэҕэ Саха сирин уонна Хабаровскай кыраайы  бэлиэтээтэ.

Мунньах бэбиэскэтигэр социальнай эйгэни сайыннарыы уонна дьон олоҕун хаачыстыбатын тупсарыы боппуруостара киирдилэр.