Саха сирин «Экстра Синема» технологиятын Арассыыйа эрэгийиэннэринэн тарҕатыахтара

2025 сылга «Экстра Синема» бырайыак Арассыыйа атын эрэгийиэннэринэн киинэ матырыйаалларын ситимин кэҥэтэргэ уонна саҥа бырайыактар моделларын билиһиннэрэргэ былаанныыр.

Ону сэргэ бырайыак култуура инфраструктуратын уонна сыыпараҕа уларыйыытын сайыннарыыга туһуламмыт федеральнай көҕүлээһиннэри олоххо киллэриигэ киирдэ. 2024 сылга «Экстра Синема» бырайыак национальнай технологическай көҕүлээһин статуһун ылбыта. Саха сиригэр  инвестиционнай сөбүлэһии түмүгэр сыл үһүс кыбаарталыгар 100 мөл. солк. суумалаах 40 саҥа киинэ саалата тэриллибит, ити уопсай ахсаанын 71-ҕэ диэри тиэрдиллибит. Киинэ саалалара Саха сирин кыра нэһилиэнньэлээх пууннарынан 111 тыһыынча олохтоохторугар ананар. Ону тэҥэ бырайыак эрэгийиэн тас өттүгэр тарҕаммыт: киинэ саалалара Кировскайга уонна Докучаевскайга култуура дьиэлэригэр арыллыбыттар.

2024 сылга көрөөччүлэр ахсаана үс төгүл улааппыт: 2023 сылга 14 тыһыынчаттан 41,5 тыһыынчаҕа диэри тиийбит. Сыл иһигэр 53 киинэ көрдөрүллүбүт, олор ортолоругар — «Карина» (11 332 көрөөччү), «Триумф» (8 438 көрөөччү) уонна «Кыталыктаах кырдалым» (4 990 көрөөччү).

Санатан эттэххэ, РФ Бэрэсидьиэнэ Владимир Путин 2030 сылга диэри Арассыыйа кыра нэһилиэктэринэн 900 киини анал оборудованиенан хааччыйарга сорудахтаабыта.