Хаартыска: Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Саха сирин Ил Дархана Айсен Николаев көҕүлээбит “Мобильный дуоктар” киэҥ хабааннаах, ураты бырайыага Арктикаҕа уонна Саха сирин киэҥ нэлэмэн сиригэр-уотугар баар нэһилиэктэргэ үлэлиир.
“Билигин киэҥ хайысхалаах “Мобильнай дуоктар” биригээдэтэ Дьааҥы оройуонугар үлэлиир. Быраастар Токума, Адыаччы, Боруулаах, Остуолба нэһилиэнньэлээх пууннарыгар олохтоохтору көрдүлэр. Билигин кинилэр Боронукка үлэлииллэр. Салгыы Табалаах, Алыһардаах, Үүттээх уонна Эһэ Хайа сэлиэнньэлэригэр тиийиэхтэрэ. Алтынньы 24 күнүгэр диэри үлэлиэхтэрэ. Быраастар диспансер учуотугар турааччыларга болҕомтолорун уураллар”, — диэн биригээдэ салайааччыта, терапевт-быраас Татьяна Дьячковская иһитиннэрдэ.
Дьааҥы оройуонугар терапевт, травматолог-ортопед, педиатр, невропатолог, эндокринолог, кардиолог, пульмонолог, лор, УЗИ бырааһын курдук, 12 исписэлиис тиийбитэ.
Оҕолору көрөр-истэр биригээдэ Абый оройуонугар сылдьар. Кинилэр Кэбэргэнэҕэ уонна Сыаганнаахха олохтоохтору көрдүлэр. Бүгүн быраастар Дьоску нэһилиэньэлээх пуунугар айаннаатылар, салгыы Абыйга, Уолбукка уонна Сутуруохаҕа тиийиэхтэрэ. Исписэлиистэр УЗИ-ны киллэрэн туран, чинчийии ыыталлар, электрокардиограмманан уонна холтерынан чинчийиини оҥороллор.
Мобильнай быраастар Абый оройуонугар алтынньы 23 күнүгэр диэри үлэлиэхтэрэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.
Олоҥхо ыһыаҕар волонтер оҕолор ыалдьыттары үөрэ-көтө көрсөллөр, сирдээн, сүбэлээн-амалаан биэрэллэр. Волонтердар бөлөхтөрүн салайар Анастасия Васильева…
Борис Андреев аатынан Элгээйитээҕи Айылҕа түмэлигэр саҥа экспонат баар буолла. Баараҕай бизон кыыл бу күннэргэ…
БЫЛЫЫК ТУОХХА ТУҺАЛААҔЫЙ? Кэмпэндээйи былыыга хап-хара сиппит кирээс буолан олус күүстээх эмп буолар. Кирээс уохтаах…
Айсен Николаев дойду бэрэсидьиэнэ Владимир Путин бэрэссэдээтэллээх РФ бырабыыталыстыбатын сүбэ мунньаҕар хоту улуустарга таһаҕаһы тиэрдии…
От ыйын 3 күнүттэн Нерюнгри куоракка Олоҥхо ыһыаҕын бырагыраамата саҕаланна. "Амикан'' этнокомплекска сарсыардаттан ардаҕы аннынан…
Социальнай ситимҥэ Горнай оройуонугар "Бүлүү" федеральнай суолга икки туртас оҕото сытар хаартыската тарҕанна. Ийэлэрин сүтэрбит оҕолору…