Хаартыска: СӨ Ил Дарханын уонна Бырабыыталыстыбатын пресс-сулууспата
Бүгүҥҥү күҥҥэ өрөспүүбүлүкэ өрүстэригэр гидрологическай кутталлаах буолуу көстүүлэрэ бэлиэтэммэттэр. Бу туһунан гидрометеорология уонна тулалыыр эйгэни кэтээн көрөр Саха сиринээҕи управлениетын начаалынньыгын солбуйааччы, гидрометеорология киинин начаалынньыга Татьяна Маршалик иһитиннэрдэ.
“Ураты хонтуруолга — Халыма өрүскэ муус ааһара. Муус алын кырыыта Колымскай сэлиэнньэттэн үөһэ устар. Манна кэнники сууккаҕа уу таһыма 921 см буолбут. Чугастааҕы үс суукка устата манна муус хойуутук ааһарын кэтэһэбит уонна, быһа барыллаан, уу таһыма кутталлаах кирбиигэ чугаһыыра сабаҕаланар»,-диэн Маршалик бэлиэтээтэ.
Дьааҥы, Индигиир, Өлөөн өрүстэринэн муус хойуутук устар. Бэс ыйын саҥатыгар уу таһыма кутталлаах кирбиигэ чугаһаабакка өрүс уһугар тахсара күүтүллэр. Анаабыр улууһагар Сааскылаах аттыгар халаан уута муус үрдүнэн устар.
«Манна олус тымныы күн-дьыл турбута, онон, сылыктыырбытынан, бэс ыйын бастакы күннэригэр муус эстэрин күүтэбит», — диэтэ Маршалик.
Бүлүү өрүскэ уу таһыма үрдүүр — 5-тэн 30 сантиметрга диэри. Чугастааҕы күннэргэ уу таһыма үрдүүрэ күүтүллэр. Алдан өрүскэ сааскы халаан уутун иккис долгуна өрүс уһугар тахсан, Алдан өрүстэн Өлүөнэ өрүскэ түһүөҕэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!
Баһылайаптар оҕолоро улаатан, бары киэҥ сиринэн тэлэһийэн, дойдуларыгар да кэлбэт-барбат буоллулар. Икки этээстээх дьиэлэрэ, бэл,…
Бүгүн Саха сиригэр Ийэ күнэ. Орто дойдуга кыыс оҕо буолан айыллан кэлэн, кэргэн тахсан уоллаах…
Тыа сиригэр кэлиҥҥи сылларга араас социальнай суолталаах тутууну тэҥэ устуоруйаны үйэтитэр араас пааматынньыктар, искибиэрдэр тутуллаллар.…
Светлана Свинобоева – элбэх оҕолоох ийэ, бэйэ дьыалатын сайыннарар урбаанньыт. Кини аныгы үйэ дьахталларыттан уратыта…
Саха сиригэр Ийэ күнүн көрсө Кэбээйи улууһун Куокуй нэһилиэгин "Угуйаан" култуура киинигэр күн күбэй ийэлэрбитигэр,…
Соторутааҕыта успуорт эйгэтиттэн өссө биир үөрүүлээх сонун кэллэ. Эдэркээн Айаал Сивцев паралимпиецтарга чэпчэки атлетикаҕа дьаадыраны…