Андрей Сорокин уонна Федерация Сэбиэтин пресс-сулууспатын хаартыската.
“Уһук Илиҥҥэ социальнай инфраструктура хаачыстыбатын үрдэтиини сокуонунан хааччыйыы боппуруостара” тиэмэҕэ Федеративнай тутулга, эрэгийиэн бэлиитикэтигэр, олохтоох салайыныы уонна Хоту дойду дьыалаларыгар сис кэмитиэтин “төгүрүк остуолугар” Саха сирин этиитин өйөөтүлэр.
Онно сэтинньи 1 күнүгэр өрөспүүбүлүкэ Бырабыыталыстыбатын бэрэссэдээтэлин солбуйааччы Георгий Степанов этии киллэрбитэ. Этии “мобильнай дуоктардарга”, уустук суоллаах-иистээх сирдэргэ мобильнай социальнай инфраструктураны торумнааһыҥҥа уонна инбэлииттэри хааччыйыыга сыһыаннаах.
Георгий Степанов Саха сирин Ил Дарханын Айсен Николаев көҕүлэһининэн “мобильнай дуоктаардар” бырайыактара саҕаламмытын санатта.
“Ыраах сытар сирдэргэ педиатрдар, терапевтар эрэ буолбакка, чопчу идэлээх “(“узкай”) быраастар тиийэллэр«, — диэтэ Георгий Степанов уонна амбулаторияҕа-поликлиникаҕа көмө киһи ахсаанынан нуорматын мобильнай биригээдэлэр нормативтарын эбэргэ эттэ. Уларытыылары 2024 сылтан босхо мэдиссиинэ көмөтүн оҥорууну судаарыстыбаннай мэктиэлиир бырагыраамҕа киллэрэргэ этиллэр.
«Аартыкаҕа уонна Уһук Илиҥҥэ уустук суоллаах-иистээх сирдэргэ доруобуйа харыстабылын, үөрэхтээһин, култуура уонна успуорт эбийиэктэрэ эргэрбиттэрин кыһалҕата турар. Бу сирдэргэ тутууну ыытар ороскуота улахан, ону тэҥэ ону салгыы үлэлэтиигэ бүддьүөт араас таһымыгар эмиэ ороскуоттаах”, — диэн Георгий Степанов кыһалҕаны таарыйда.
Ырах, уустук суоллаах-иистээх сирдэргэ социальнай инфраструктураны бырайыактааһыны Аартыка түөлбэтигэр туһанылар аҕыйах ахсааннаах төрүт норуоттар төрүт үгэстэригэр хаһаайыстыбананй үлэлэрин ытыы былаанын эбэн биэрэргэ этилиннэ.
“Элбэх өҥөнү оҥорор социальнай эбийиэги киллэрэр кэлимсэ социальнай инфраструктура хоту дойдуга социальнай эбийиэктэри тутуу кыһалҕатын быһаарыа этэ”, — диэн бэлиэтээтэ кини.
Георгий Степанов инбэлииттэргэ уонна инбэлиит оҕолоох дьиэ кэргэҥҥэ олорор усулуобуйаларын тупсарыыга көмөлөһөр миэрэлэри торумнуурга этии киллэрдэ, федеральнай бүддьүөттэн судаарыстыба өйөбүллээх олорор дьиэҕэ наадыйыыга 2005 сыл тохсунньу 1 күнүн кэнниттэн олорор дьиэҕэ учуокка турбуттарга. Инбэлииттэри дьиэнэн хааччыйыыга 19 млрд солкуобай үбүлээһин ирдэнэр.
“Кыра нэһилиэньэлээх пууннарга элбэх өҥөнү оҥорор кэлимсэ эбийиэктэри тутар ордук, онно успуорт, култуура уонна үөрэх биир дьиэҕэ баар буолуохтаах. Ону тэҥэ мэдиссиинэ мобильнай биригээдэлэрин үлэлэтиини өйүүбүт”, — диэтэ Сахалин уобалаһын Бырабыыталыстыбатын бэрэссэдээтэлин солбуйааччы Вячеслав Аленьков. Сенатордар Сахамин Афанасьев, Григорий Ледков, Анна Отке, Григорий Хапочкин, Бурятия Өрөспүүбүлүкэтин бэрэстэбиитэллэрэ уо.д.а. тыл эттилэр.
Тэрээһин спикерэ, бу сис кэмитиэт бэрэссэдээтэлин солбуйааччы Александр Высокинскай билигин Уһук Илиҥҥэ социальнай инфраструктураны киэҥ хабааннаахтык саҥардыы ыытылларын бэлиэтээтэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…