Хаартыска: Печорин.нет.
В.Арсеньев аатынан «Уһук Илин» литературнай бириэмийэ быйылгы кылгас испииһэгэ (шорт-лист) таҕыста. Манна 9 суруйааччы айымньыта киирдэ. Саха сиригэр алмааһы хостооһун туһунан арамааны суруйбут Вячеслав Нескоромных бу испииһэккэ эмиэ киирдэ. Кини кимий?
«Алмазные грани» кинигэҕэ Саха сиригэр алмааһы көрдөөһүн, хостооһун туһунан суруллар. Бу манна интэриэһинэй дьылҕалаах дьон, хомолтолоох да түгэннэр бааллар эбит. Арамаан сүрүн дьоруойа — алмаас туруупкатын булбут Лариса Гринцевич. Бу геолог Лариса Попугаева прототиба буолуохтаах диэн сэрэйэҕин. Дьиҥнээх олоххо кини арыйыытын былдьаһа сатааччылар да баалларын билэбит.
Маны тэҥэ, суруйааччы алмаас бырамыысыланнаһын аныгы олоххо сыһыаран көрөр. DiRosa хампаанньаҕа уларытыылары киллэрэр аныгы кэм дьоруойдара ойууланаллар. Дьиибэтэ диэн, арамааҥҥа маатыры тыллара да суох буолбатахтар эбит.
Вячеслав Васильевич Нескоромных Алтаайга 1958 сыллаахха төрөөбүтэ. Оҕо сааһа Камчаткаҕа ааспыта, Иркутскайга, Красноярскайга үөрэммитэ, үлэлээбитэ. Арассыыйа Суруйааччыларын сойууһун чилиэнэ. Сибиирдээҕи федеральнай университет бэрэпиэссэрэ, техническэй наука хандьыдаата, геолог, научнай кинигэлэр, учуобунньуктар, монографиялар ааптардара. Бэйэтэ геолог буолан, бу тиэмэни суруйарын сөбүлүүр, элбэх кэпсээннэрдээх.
«А путь далек, и долог…» кинигэ, «Сны командора», «Завет Адмирала», «Алмазные грани» арамааннар, «Река» кэпсээннэр кинигэлэрин ааптара. «Петроглиф», «Голос Севера», «Русский Гофман», «Большой финал. Триумф короткого сюжета», «Лебеди над челнами» литературнай куонкурустар лауреаттара.
Кини сүрүннээн устуоруйа туһунан суруйар: Енисейскэй хаһаактара Байкалга кэлиилэрэ, Иван Крузенштерн хамаандатынан моряктар Сири эргийэ устуулара, Хотугу Муустаах муораҕа устуу, Саха сиргэр алмааһы хостооһун, уо.д.а. интэриэһинэй тиэмэлэри таарыйар.
Холобур, «Гипербазиты» диэн фантастическай сэһэнигэр Алтаайга сынньана сылдьар турист түҥ былыргыга, скифтэр, хууннар биистэригэр тиийэн хааларын туһунан суруллар.
Манна даҕатан эттэххэ, «Алмазные грани» кинигэ «ЛитРес» онлайн бибилэтиэкэтигэр баар, сыаната — 200 солкуобай.
«Нелегальнай мигрант» эпэрээссийэ чэрчитинэн, полиция үлэһиттэрэ, Арассыыйа ФСБ-тын Саха сиринээҕи салаатын, Арассыыйа ИДьМ хотугулуу-илиҥҥи линиэйнэй…
Сэрэтэр дьаһаллар чэрчилэринэн полицейскайдар арыгылаах бородууксуйаны сокуону кэһэн атыылааһын биэс түбэлтэтин быһаардылар. Ол курдук, Петр…
Быраастар 30 саастаах дьахтар иһиттэн олус улахан кистаны эпэрээссийэлээн ылбыттар. Дьахтар иһэ 9 ыйдаах хат…
Бэҕэһээ, ахсынньы 23 күнүгэр, Дьокуускай куорат историятын түмэлигэр «Зима. Магия света» диэн ааттаах быыстапка аһыланна.…
Бэҕэһээ Өлүөхүмэ куоракка бэлиэ түгэн буолан ааста – Строд уулуссаҕа түөрт мэндиэмэннээх элбэх кыбартыылаах дьиэ…
Быдарҕан тымныылар түспүттэринэн, гааһынан оттуллар дьиэ-уот хаһаайыттара бэйэлэрин гаас тэриллэрин мэлдьи кэтии-маныы сылдьыахтаахтар. «Сахатранснефтегаз» тэрилтэҕэ…